A Pas anun o Pol torom a taro Rom 14:21 - Nupela Testamen long tokples Kandas
21 I wakak sur gong u wan tar a komonong ina kum wewegua, ma gong u inum a wain, ma tu ngas na utna kai lenra, sako a pinapam ra in ban ling tar o tisim sur in puku.
Ikut a wasiso ke kis unin balano, ma a musano ra ken tur suano i, elar namin wit ra kalako wakakorino. I turpasi i wakak, ikut in puku lakit una du bung ra a kum mamaut in nanpat, ma din ban laulau i, uni i nurnur una wasiso anun o God.
O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”
Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.
Mot langolango sur mot in nan a utna ra taio i sa etabor taru nami torom a kum torotoro na god. Ikut mot in tumarong mot, sur gong anumot a petutna ra, in ben tar det ra anundet a nurnur ke dekdek, sur det in puku.
Ra in lenra, mot in pet lari sur mot in tasman lele asau ra i wakak o ke wakak, sur a magiramot in tokodos umatan o God, ma katu etakun in los mot una bung ra o Karisito in nanpat.
Ikut a takun mot una kum utna ri: Ara taro ra kura det epotor tamot, det sa mur a etowo anun o Balam, i ra i ususer o Balak sur in usobor a taro Israel ma det pam a sakino petutna, ra det wan a utna na inangon di etabor nami torom a kum torotoro na god, ma det pam a kum petutna na pamuk.
