A Wakak na Wasiso un o Iesu Karisito o Mak i tumusi 3:20 - Nupela Testamen long tokples Kandas
20 Numur ra o Iesu i sa ruk taru una rumu, ara kunur na taro bulung det wanpat toromi, ra katu du bung sur o Iesu ma anun a kum nat na ususer det in nangon uni.
Ikut a musano ri, i wan ma i wasiso tuptupukus, ra a wasiso uni, i wan sarara. I mo ra, o Iesu ke wan puaso melet un tu tamon. I wan ra i ser kis tuptupukus mukut tiro una kum nubual kalako taro uni. Ikut a taro tagun a kum tamon det ser wan toromi.
Ra o Iesu i watungi tandet lena, “Dat in nan sur tu nubual kalako taro uni, sur mot in mana pas.” I watungi lenri, uni a susut na taro det wanpat liklik kut, ma katu du bung sur o Iesu tomo nam anun a kum aposel det in nangon uni.
Ra o Iesu tomo nama nun a taro na ususer det wan pirso tagisapat una tangai, i tur una elaro na nubual, tomo nam anun a kunur na taro na ususer. Ma a labino kunur na taro tagitong una papor Judia ma tagisapat o Jerusalem ma tagun a kum tamon nago korot utasi milau o Tair ma o Saidon kai,
