A Wakak na Wasiso un o Iesu Karisito o Mak i tumusi 13:32 - Nupela Testamen long tokples Kandas
32 “Katutaio i tasman a bung o a du bung ra a kum utna ri in nanpat. A kum ensel sapat una langit ka det tasmani, ma o Nutunu kai ke tasmani, o Tamano sot kut i tasmani.
Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop.
A buk ri, a wasiso puaso anun o Iesu Karisito, ra o God i pitar tari tano, sur in ese tar anun a kum tultul una kum utna ra milau in nanpat. O Iesu i tulu ru anun a ensel torom anun a tultul o Jon, sur in wasiso puaso una kum utna ri tano.
I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.