18 Mot in wararing sur gong a utna ri i wanpat una kum kalang na kotokoto.
Una kum bung ra, in laulau doko torom a kum tianan, ma torom a kum ino kai ra a kum nutnutun det, det sus utmakai.
Uni una kum bung ra, in labo sakit a ngunungut. In labo taun a kum ngunungut ra i ser wanpat una rakrakon bual. Turpasi ra o God i ukis a rakrakon bual tuk uniri, ma numur kai, katu ngunungut in elar nami.
