A watungi tamot, osi ra in lu ru anun a ino ra ke pam tu sakino tomo nam tu musano gisen, ma a musano ra i nolin melet nam tu ino, a musano ra i pam a sakino.”
“Osi ra in lu ru anun a ino ma in nolin melet nam tu ino, a musano ra i pam a sakino torom anun a ino, uni i nolin melet nama se ino. Ma osi ra in nolin nam tu ino ra anun a musano i lu ru i, i kai i pam a sakino, uni awu sur a ino anunu.
I mo ra a ino, ra in nolin melet nam tu musano, ma anun a musano i laun utmakai, a ino ra i pam a sakino. Ikut ra anun a musano i sa mat, a ino ra i langolango gusun a warkurai na nolin, ma ra in nolin melet nam tu musano, awu sur i pam a sakino.
A ino ra i nolin, ke warkurai sur a pinino, awu. Anun a musano i warkurai suri. Ma lenkutkai ra, a musano ra i nolin, ke warkurai sur a pinino, awu. Anun a ino i warkurai suri.
I wakak ra mot rop, mot in ru a kinkinis na nolin, ma gong tu dur na petutna in kis uni. Uni o God in kuro taio ra i pam a sakino nam tu ino anun taio o tu musano anun taio, ma taio kai ra i pam a kum pamuk na petutna.
