16 Ra in matanas i sa sup taru, di ben pat a susut na taro torom o Iesu ra a kum laulau na nion kura un det. I lakro ru a kum laulau na nion gusun det nama wasiso kut, ma i ulangolango pas det rop, ra det misait.
Det ben pat ara musano torom o Iesu, i ngat ma i pulu, ma a laulau na nion kura uni. O Iesu i ulangolango pasi, ra a musano ra, i wasiso ma i tamtama kai.
A taro ra det ser tabor a kabo liur na boro ra, det kalabor eno pas utiro utamon. Ra det wanpat, det inanos una kum utna rop ra i wanpat, ma un der kai, ra a kum laulau na nion numugu kura un der.
Ra a ramano kum musano det los pat ara musano toromi, a pinino i mat, ma i inep taru kut una lu. O Iesu i tama anundet a nurnur, ra i inanos a musano ra lena, “Nutunglik, gong u ngara, di sa unus ru anum a kum sakino petutna.”
O Iesu i tama a kunur na taro ra det kalabor tomo torom det, ra i wasiso dekdek torom a laulau na nion lena, “Ui a laulau na nion, u ngat ma u kutkut. A sakbat ui, un pirso gusun a natlik, ma gong melet mo u sisiop uni.”
Ra in matanas i ling na sup, a taro det ben pat det rop ra det misait nama kum wur ngas na misait torom o Iesu. Ma i ubek aru lamano netes un det taktakai, ra i ulangolango det rop.
Ma a kum laulau na nion kai det pirso gusun a susut, ra det kakabo lena, “Ui a Nutun o God.” Ra o Iesu i turbat det, sur gong det wasiso, uni det tasmani ut lena i a Karisito.
A taro det tama a pinapam anun a kum aposel, ra det los tar a kum misait ma di inep tar det una papor kisapi una kum kabulu na ininep ma una kum bat, sur o Pita in nan sakit det ra a niono in nan netes un lako taro tagun det, ra det in langolango.
