Matiu 5:29 - Nupela Testamen long tokples Kandas

²⁹ Ra in nosot na matam in ben raro ui, liok ru i, ma un woro gisen ru i. In wakak ra ara du pinim kut din woro ru i, sur gong di woro a pinim rop una labino sungun.

Matiu 5:29 交叉參考

Matiu 10:28

Gong mot ngaran det ra det um doko i kut a pinindi, ikut ka det in um doko lar pas a niondi. Mot in ngara sur o naro ra in pet lar pasi sur in ban laulau a pinindi ma a niondi kai una labino sungun.

Matiu 11:6

Osi ra i tama a kum utna ri a pami, ma anun a nurnur ke puku, i sa dan.”

Matiu 16:26

Osi ra in utur ukai a kum ututna rop taginin una rakrakon bual, ma a niono in iru, in wakak pepetlai toromi? In kul keles a niono nama sau?

Matiu 17:27

Ikut, sur gong dar ban ukankan det, un nan usa utasi ma un boko. In mugano kiripo ra un dat pasi, un pagom a wano, ra un los pas a mani gusuni. Ma un los tari torom det sur a takis anundar rop.”

Matiu 19:12

Iri a kum kibino ra lako taro ka det in nolin: Ara taro di usus det lenutra. Ara taro, a taro det ban laulau det, ma ara taro kai, ka det nolin uni det balon una pinapam una matanitu tagisapat una langit. Osi ra in pet lar pasi, in mur a wasiso ri.”

Matiu 23:15

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot wan tuptupukus sa utasi ma sa ubual, sur mot in dat pukus taio, sur in nanpat a nat na ususer anumot. Ra i sa mulaot, mot sa tarai taru uni, sur in nan sur a labino sungun, ma anun a sakino petutna in labo taun anumot a sakino petutna.

Matiu 23:33

“Mot a kum sui! Mot a kum nutnutun a kum laulau na sui! Mot in kalabor eno pepetlai gusun a warkurai na minabalu una labino sungun?

Matiu 5:22

Ikut iau, a watungi tamot lena, osi ra in kankan torom tu tisino, din warkurai i, ma osi ra in watungi un tu tisino lena, ‘Katin lorim,’ din warkurai i umatan a taro na kiwung. Ma osi ra in watungi un tu musano lena, ‘A longlong ui,’ kutiro a warkurai toromi, ra din woro i una labino sungun.

Matiu 5:30

Ra a sot na lamam in ben raro ui sur a sakino, un kutus ru i, ma un woro gisen ru i. In wakak ra ara du pinim kut din woro ru i, sur gong di woro a pinim rop una labino sungun.

A Wakak na Wasiso un o Iesu Karisito o Mak i tumusi 8:36

Osi ra in utur ukai a kum ututna rop taginin una rakrakon bual, ma a niono in iru, in wakak pepetlai toromi?

Luk 12:5

Ikut an inanos kapo mot un o naro ra mot in ngara suri: Mot in ngara sur o naro ra a dekdekino i labo sur in um doko mot, ma in woro ru mot una labino sungun kai. A lingmulus a watungi tamot, o God kut ra mot in ngara suri.

A Pas anun o Pol torom a taro Rom 6:6

Uni dat tasmani lena, a turai na nilaun anundat i sa mat tomo nam o Karisito unin nanai kutus, sur a sakino petutna una pinindat katu dekdekino. Ma ka dat in tene ititula melet mo anun a sakino petutna.

A Pas anun o Pol torom a taro Rom 8:13

Uni ra mot mur a sakino nemnem ina pinimot, mot in mat. Ikut, ra una dekdekin a Tokodos na Nion, mot in um doko ru a kum sakino petutna ra a pinimot i ser pami, mot in laun.

1 Korin 9:27

A tumtubul a pining sur in mur wakak anung a nemnem. A pami lenri, sako a sa warawai taru nama Wakak na Wasiso torom a taro gisen, ikut iau ut, o God in ipul ru iau, ma kan los tu ikul.

Galesia 5:24

A taro anun o Karisito Iesu, det sak wat a sakino nemnem ina pinindet unin nanai kutus anun o Karisito.

Kolosi 3:5

I mo ra, mot in doko ru a kum sakino petutna taginin upiso, ra kura una numot a nilaun. Iri a kum petutna ra: a kum petutna na pamuk, a kum dur na petutna, a laulau na nemnem, a nemnem sur a kum sakino petutna ma a nemnem sur a susut na ululeng. A nemnem sur a susut na ululeng, i ra, a lotu torom a torotoro na god.