36 O Iesu tomo nam anun a kum nat na ususer det wanpat una nubual a risano o Getsemani, ra i watungi tandet lena, “Mot in kis kut nin, ma iau an nan lilik utong, sur an wararing pas.”
I wan lilik taru usa numugu, i puku tuntudung taru una piso, ma i wararing lena, “Tita, ra gunuk in sot, un los ru a kap na mamaut ri gusun iau. Ikut gong u mur anung a nemnem, un muri ut anum a nemnem.”
A manru na dino melet i wan gusun detul, ma i wararing lena, “Tita, ra ken sot sur un los ru a kap na mamaut ri gusun iau, an inumi ut. An muri ut anum a nemnem.”
Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.
Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.
