11 Det ubek pas in lorino una pelet ma det pitari torom a toraro, ra i losi torom o nano.
A kum tene inaim det wan utong una rumu na karabus ma det tau kutus pas in kabaran o Jon.
Ra a kum nat na ususer anun o Jon det wanpat ma det los pas a minatino, ra det pori. Numur det wan torom o Iesu ra det inanosi nami.
Ra i inanosi lena, “Un tabor iau namin lorin o Jon a Tene Baptaiso un tu pelet.” I watungi lenri uni o nano i sa inanos tari nami.
Det sa um doko ru anum a taro ma anum a kum poropet, ma a gapindet i tilingis. I mo ra u sa pitar tar a gap torom det sur det in inum uni. I elar nama warkurai na minabalu torom det una anundet a sakino pinapam.”
A tama a ino ra i inum pas a gapin a taro anun o God, a gapindet ra det wasiso talapor un o Iesu. Ra i sipak nami. Ra a tama i, a kisin doko.
