Luk 6:12 - Nupela Testamen long tokples Kandas

¹² Ara bung, o Iesu i wan usapat una tangai sur in wararing. A bung na mirum rop ra, i wararing torom o God.

Luk 6:12 交叉參考

Matiu 5:1

O Iesu i tama pas a kunur na taro, ra i wan toto una tangai, ma i kis. Anun a taro na ususer det wan toromi.

Matiu 6:6

Ikut ui, ra un wararing, un ruk una num a rumu ma un tagar bat pas ui, ma un wararing torom o Tamam ra kataio i tama i. Ma o Tamam ra i tama a utna ra u pam eno i, in pitar anum a ikul.

A Wakak na Wasiso un o Iesu Karisito o Mak i tumusi 1:35

Una lar, o Iesu i tuangun ra i pirso. I wan sur a nubual kalako taro uni, ma i wararing tiro iai.

A Wakak na Wasiso un o Iesu Karisito o Mak i tumusi 3:13

O Iesu i wan usapat una tangai, ra i kabo pas ara taro ra i ling sur det, ra det wan toromi.

A Wakak na Wasiso un o Iesu Karisito o Mak i tumusi 6:46

Ra i wan gusun det, i wan tito usapat una tangai sur in wararing.

Luk 5:16

Ikut a susut na bung o Iesu i ser wan gisen, una nubual kalako taro uni, sur in wararing.

Luk 6:11

Ikut in balandet i sungun, ma det wasiso tomo sur tu ngas na utna det in pami un o Iesu.

Luk 6:17

Ra o Iesu tomo nama nun a taro na ususer det wan pirso tagisapat una tangai, i tur una elaro na nubual, tomo nam anun a kunur na taro na ususer. Ma a labino kunur na taro tagitong una papor Judia ma tagisapat o Jerusalem ma tagun a kum tamon nago korot utasi milau o Tair ma o Saidon kai,

Luk 9:18

Ara bung ra o Iesu sot kut i wararing, a kum nat na ususer det kis milau tari, ra i ting det lena, “A taro det watung iau nam osi?”

Luk 9:28

Ra i sa tiwal na bung bat tar a wasiso ri, o Iesu i ben pas o Pita, o Jon ma o Jems, ma det wan toto usapat una tangai sur det in wararing.

Luk 9:29

I wararing, ra in masarino i tamtama senene, ma anun a kum malu kai i kabang doko ma i pilpil.

A Wakak na Wasiso un o Iesu Karisito o Jon i tumusi 6:3

O Iesu i wan toto usapat una du tangai lik ma i kis tomo nam anun a kum nat na ususer.

Kolosi 4:2

Mot in dekdek nama niaring. Ra mot wararing, a nuknuki mot in talapor, ma mot in watung wakak torom o God.

Ibru 5:7

Ra o Iesu i laun nin una rakrakon bual, i kukukuk nam anun a kum niaring nama lurlur na matano torom o God, i ra i pet lar pasi sur in ulaun pasi gusun a minat. Ma o God i longoro i, uni i unatino pasi utuntudu ino.