Luk 5:21 - Nupela Testamen long tokples Kandas

²¹ A kum tene ususer tagun a Warkurai ma a kum Parisi, det nuknuk doko lena, “Osi na ngas na musano ri? I watung laulau o God uni i wasiso lar i o God. Osi i elar sur in unus ru a kum sakino petutna? O God sot kut.”

Luk 5:21 交叉參考

Matiu 26:65

A mugumugu na tene etabor i kankan ra i raros anun in namalu ut, ra i watungi lena, “I sa wasiso laulau un o God. Dat nem melet lako wasiso na etakun sur asau? Tama i! Mot sa longoro tar anun a kum wasiso laulau un o God.

Matiu 9:3

A ramano kum tene ususer tagun a Warkurai det wasiso etalai torom det ut lena, “A musano ri i watung laulau o God, uni i wasiso lar i o God.”

Luk 3:8

Mot in pam a kum utna ra in upuaso i lena mot sa nukpukus. Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.

Luk 5:17

Ara bung ra o Iesu i ususer a taro, a kum Parisi ma a kum tene ususer tagun a Warkurai, kura det kis tomo nami. Det wanpat tagun a kum tamon rop una papor Galili ma una papor Judia, ma tagisapat o Jerusalem kai. Ma a dekdekin a Labino i kis un o Iesu sur in ulangolango a kum misait.

Luk 5:22

O Iesu i tasman a nuknukin det, ra i ting det lena, “Sur asau ra mot nuknuk lenra?

Luk 7:49

A taro ra det kis tomo una inangon, det wasiso torom det etetalai lena, “Osi na ngas na musano ri, i pet lar pasi sur in unus ru a kum sakino petutna?”

A Wakak na Wasiso un o Iesu Karisito o Jon i tumusi 10:33

Det balu i lena, “Met nem na duku ui, awu sur un tu utna na ukisin ra u pami, awu, uni u watung laulau o God! Ui a musano kut ui, ra u watungi lena ui o God.”

A Pas anun o Pol torom a taro Rom 8:33

Osi ra in takun a taro na pipilok anun o God? Katutaio in pet lar pasi, uni o God ut i sa watung tar dat lena dat tokodos umatano.