16 Ikut ara utna i pulus bat arin matander ra ka der tama lele pasi.
Numur o Iesu i wanpat torom aru nat na ususer ra der wan nanan una kisapi, ma a pinino i tamtama senene.
Ra der wasiso ma der ting etalai der una kum utna ri, o Iesu ut i wanpat torom der, ma detul wan tomo.
O Iesu i ting der lena, “Asau ri mur wasiso nanan uni una numur a inawan?” Der tur taru kut ra der tamtama na tupunuk.
Ra a matander i tapalos, ra der tama lele pasi maragom, ra i rorom pas mut gusun der.
Ra i tupukus, i tama pas o Iesu kura i tur taru, ikut ke tasmani lena o Iesu ut ra.
Una komkobot raut, o Iesu i tur taru nago una usalin, ikut a kum nat na ususer ka det tasmani lena o Iesu ut ra.
