25 Ra i palos ru o Barabas ra i kis una karabus, uni i waim nama gapman ma i um doko a taro, i ra det sasaring suri. Ma i pitar tar o Iesu torom a kum tene inaim elar nama nemnem anun a taro.
O Pailat i nemi sur in ugasgas a taro, ra i palos ru o Barabas torom det. Ra di sa takalo tatar o Iesu, o Pailat i pitar tari tan a kum tene inaim sur det in sak wati unin nanai kutus.
Ra det turpasi sur det in takuni lena, “Met pastorom a musano ri i ben raro anumet a taro. I turbat met sur gong met pitar a takis torom a Sisa, ma i warango i kai lena, i a Karisito, a king.”
Ra det ben pas o Iesu sur din sak wati unin nanai kutus, det dat pas ara te Sairini, a risano o Saimon, ra i wan tagitong un ara tamon sur in nan usapat o Jerusalem. Ra det ubek tar in nanai kutus usapat netes uni, sur in los murmur o Iesu nami.
Ikut, det ngongos makai lena, “Anun a etowo i ukatutur a balan a taro, sur det in lakai a warkurai anun a gapman una papor Judia rop. I turpasi tong o Galili ra i tuk taru ut nin.”
