36 Ra o Iesu i watungi tandet lena, “Ikut uniri, osi ra anunu tu paus na umubek mani, i wakak sur in losi ut, ma a rat kai. Ma osi ra ka tin totok na inaim, i wakak sur in siuru ru anun a saket sur in kul pas tino.
Gong mot los tu rat una numot a inawan, gong tin namalu na kelkeles, gong tu su, ma gong tin nubuku. Uni i tokodos sur din tabor a tene pinapam nama ana utna.
Numur o Iesu i ting anun a kum nat na ususer lena, “Ra a tulu ru mot, ma katu paus na umubek mani anumot, o tu rat, o tu su, pepetlai, mot sibo ut sur tu utna?” Ra det balu i lena, “Awu.”
A watungi tamot, din pam sot pas a tumtumus ri un iau, ‘Di watung tomo det nama kum tene sakino.’ Ais 53:12 Uni a kum utna ri di sa tumus tari un iau, milau mo din pam sot pasi.”
Mot in nuk pas a wasiso ra a sa watung tari tamot lena, ‘A tultul ke labo taun anun a labino.’ Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso.
“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”
O Karisito i taramo a ngunungut una pinino. I mo ra, mot kai, mot in waninar sur mot in taramo a ngunungut elar nami. Uni osi ra i taramo a ngunungut una pinino, i sa mana gusun a pam a sakino petutna.
