25 A taman a rumu in tur ra in tagar bat a matansako, ma mot in tur nago upiso, mot in pinpidik ma mot in watungi lena, ‘Labino, un papos pas met.’ In watungi kut tamot lena, ‘Ka tasman mot ma tagai mot.’
“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.
Mot in pam a kum utna ra in upuaso i lena mot sa nukpukus. Ma gong mot nuki lena, o God ken warkurai mot uni mot a kabotaro anun o Abaram. A inanos mot lena, o God in pet lari sur in pam pat pas a kabotaro anun o Abaram tagun a kum watat ri.
Uni o God i watungi lena, “Ra a du bung i sa sot, a longoro ui, Ma una bung ra a ulaun pas ui, a warut ui.” Ais 49:8 Tama i, uniri, a du bung i sa sot, uniutri a bung ra o God i ulaun pas mot.
Mot sa tasmani lena, numur, ra i nemi sur in los melet pas a wasiso na udan tan o tamano, o tamano i ipul ru i mukut. A lingmulus, i tangis sur in los melet pas a wasiso na udan ra, ikut ke sio melet pas tu kisapi sur in pukus asau ra i sa pam tari.
