A Wakak na Wasiso un o Iesu Karisito o Jon i tumusi 7:4 - Nupela Testamen long tokples Kandas

⁴ Kataio i ser pam eno a kum utna, ra i nemi sur a taro det in tasmani. U ser pam a kum utna ri, in wakak ra un pam puaso i sur a taro una rakrakon bual rop det in tasman ui!”

A Wakak na Wasiso un o Iesu Karisito o Jon i tumusi 7:4 交叉參考

Matiu 23:5

Anundet a kum pinapam rop, det pami kut, sur a taro det in tama det. I perere bing anundet a kum boks liklik ra det ser uruk tar a kum du Buk Tabu uni ma det keri una kum masarindet. I walos bing anundet a kum kulo ra kura una sinisir ina nundet a kum malu na niaring.

Matiu 4:6

Ma i watungi tano lena, “Ra ui a Nutun o God, un sirok pirso, uni di sa tumus tari una Buk Tabu lena, ‘In watungi torom anun a kum ensel sur det in tamtamabat ui. Det in pam pas ui nama kum lamandet, sur gong u tuka a kikim un tu wat.’” Sng 91:11-12

Matiu 6:16

“Ra mot in wewel sur mot in wararing, gong mot tamtama na marmaris elar nama kum tene torotoro, uni det tamtama na marmaris sur a taro det in tama i lena det wewel. A inanos mot nama lingmulus, ra a taro det ulabo pas det lena det a kum tene lotu mulus, i ut ra anundet a kudulano ikul.

Matiu 6:5

“Ra mot in wararing, gong mot elar nama kum tene torotoro. Det nem doko i sur det in tur ma det in wararing una kum rumu na lotu, ma una kum nubual ra a taro det wanan tomo iai, sur a taro det in tama det ma det in watung ulabo pas det. A inanos mot nama lingmulus, ra a taro det ulabo pas det, i ut ra anundet a kudulano ikul.

Luk 6:45

A wakak na musano i pam pat anun a wakak na petutna tagun a wakakino ra i kis una nun a nilaun, ma a laulau na musano kai, i pam pat anun a sakino petutna tagun a sakino ra i kis una nun a nilaun. Uni a wan a taro i watung puaso a petutna ra i bukus una nundet a nilaun.

A Wakak na Wasiso un o Iesu Karisito o Jon i tumusi 18:20

O Iesu i balu i lena, “A sa wasiso talapor umatan a taro rop, ma a ser ususer det una kum rumu na lotu ma ubalan in noworo ina rumu na etabor, ra a taro Juda det ser wan tomo iai. Ka inanos eno tar det un tu utna.

A Wakak na Wasiso un o Iesu Karisito o Jon i tumusi 7:3

Ra a kum tistisin o Iesu det watungi tano lena, “I wakak sur un nan taginin ma un nan usapat o Judia sur anum a taro na ususer det in tama a kum pinapam ra un pami.

A Wakak na Wasiso un o Iesu Karisito o Jon i tumusi 7:5

A kum tistisino det wasiso lenri, uni det kai ka det nurnur uni.