A Wakak na Wasiso un o Iesu Karisito o Jon i tumusi 7:39 - Nupela Testamen long tokples Kandas
39 Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.
Det balu i lena, “Ara taro det watung ui o Jon a Tene Baptaiso. Ara taro det watung ui o Elaija, ara taro det watung ui o Jeremaia, ma ara taro kai det watung ui, ara tagun a kum poropet.”
Tama i, i ra o Tita i sa uliliman taru uni, an tulu ru i torom mot. Ikut mot in kis ut nin una tamon ri, tuk ra din mar tar mot nama dekdek tagisapat netes.”
Ra o Jon i watungi tandet rop lena, “Iau, a baptaiso mot nama danim. Ikut o naro ra a dekdekino i labo taun a dekdeking in nanpat. Ka elar sur an palos aru su gusun aru kikino, uni a natino doko tano. In baptaiso mot nama Tokodos na Nion ma a sungun.
A taro rop det kisin ma det ngara, ma det watung ulabo pas o God, ma det watungi lena, “A labino poropet i sa wanpat epotor tandat. O God i sa wanpat sur in warut dat, anun a taro.”
Det ting meleti lena, “Osi ui? Ui o Elaija?” Ra i balu det lena, “Awu, awu sur iau o Elaija.” Det ting meleti lena, “Ui a poropet ra di watung tari sur in nanpat?” I balu det lena, “Awu.”
det tingi lena, “U watungi lena, awu sur ui a Karisito, ma awu sur ui kai o Elaija, o a poropet, ra di watung tari sur in nanpat. Ra i lenra, ilai sur u baptaiso a taro?”
A kum nat na ususer anun o Iesu ka det tasman lele i lena a kum utna ri, di sa tumtumus mugu taru uni una Buk Tabu. Ikut ra o Iesu i sa kis una nun a minamar, det tasmani maragom lena, di sa tumus tar a kum utna ri un o Iesu, ma di sa pam tari kai a kum utna ri uni.
A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.
A inanos mot nama lingmulus lena, in wakak torom mot ra an nan. Gunuk ra kan nan, a Tene Warut ken nanpat torom mot. Ikut ra an nan, an tulu ru i urin torom mot.
Ra o Iesu i sa watung rop tar a kum wasiso ri, i tamtama tito usapat una langit, ra i watungi lena, “Tita, a du bung i sa wanpat, un pitar a minamar torom o Nutum, sur o Nutum in pitar a minamar torom ui.
A taro det tama a ukinalong ri i pami, ra det watungi lena, “I lingmulus ut, a musano ri, i a poropet ra di watungi lena in nanpat urin una rakrakon bual.”
A susut na taro det wasiso eno un o Iesu. Ara taro det watungi uni lena, “I ara wakak na musano,” ma ara taro kai det watungi lena, “Awu, i ben raro a taro.”
O Iesu i balu det lena, “Ra an ulabo melet pas iau ut, anung a wasiso na ulabo ri ke gas un tu utna. Ikut o Tita ut i ulabo pas iau, i ra mot watungi lena i anumot a God.
‘O God i watungi lena: Una kum ururop na bung an pitar pirso a Niong torom a taro rop. A kum nutnutu mot, a kum musano ma a wardain, det in wasiso na poropet. Anumot a kum barman det in tama a kum tamtama, ma anumot a kum takano na musano det in ririon a kum ririon.
Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.
O Pita i balu det lena, “Mot rop taktakai mot in nukpukus, ma din baptaiso mot nama risan o Iesu Karisito, sur din unus ru anumot a kum sakino petutna, ra din tabor mot nama Tokodos na Nion.
O God ut i pami. A God anun o Abaram, a God anun o Aisak ma a God anun o Jekop, a God anun a kum tumtubun dat tagun numugu, i ulabo tar a risan o Iesu anun a tultul. Mot pitar tari sur din um doko i, ma mot ipul ru i kut umatan o Pailat, ra i nem na palos ru i.
Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.
Ikut mot, ka mot kis mo utuntudu ina sakino nemnem ina pinimot. Awu! Mot kis utuntudu ina Tokodos na Nion, uni a Nion o God i laun un mot. Ikut, ra taio, a Nion o Karisito ke laun uni, i awu sur anun o Karisito.
Ma gong mot utupunuk a Tokodos na Nion o God, ra o God i sa ukinalong tar mot nami lena mot anunu. Ma a ukinalong ra, i ese i lena a bung in nanpat ra o God in ulangolango mot.
