A Wakak na Wasiso un o Iesu Karisito o Jon i tumusi 4:24 - Nupela Testamen long tokples Kandas

²⁴ O God a nion. Det ra det ser lotu toromi, det in lotu ut una nion ma una lingmulus.”

A Wakak na Wasiso un o Iesu Karisito o Jon i tumusi 4:24 交叉參考

A Wakak na Wasiso un o Iesu Karisito o Jon i tumusi 4:23

A du bung in nanpat ma iri i sa wanpat, ra a kum tene lotu mulus det in lotu torom o Tita una nion ma una lingmulus. A kum ngas na tene lotu lenra, o Tita i nem doko det.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

2 Korin 3:17

A Labino i a Nion, ma taio ra a Nion a Labino kura uni, in langolango.

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

1 Timoti 1:17

Dat in pitar a urur ma a wasiso na ululabo torom a King ra i laun tukum, ma ken mat, i ra ka dat tama i, ra i sot kut a God. A wasiso na ululabo toromi ken rop ma ken rop. Amen.