A Wakak na Wasiso un o Iesu Karisito o Jon i tumusi 16:7 - Nupela Testamen long tokples Kandas
7 A inanos mot nama lingmulus lena, in wakak torom mot ra an nan. Gunuk ra kan nan, a Tene Warut ken nanpat torom mot. Ikut ra an nan, an tulu ru i urin torom mot.
Tama i, i ra o Tita i sa uliliman taru uni, an tulu ru i torom mot. Ikut mot in kis ut nin una tamon ri, tuk ra din mar tar mot nama dekdek tagisapat netes.”
A lingmulus ut ra a susut na ula det kis tiro o Israel una kilalo ra o Elaija i kis tong, ra a tulu kilalo ma wonom na kalang ke bato, ma a labino munurak i monong a kum tamon rop.
A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.
Mot sa longoro tari, ra a sa watung tari torom mot lena, ‘An nan pas ma an milet melet torom mot.’ Ra mot nem iau, mot in gas ra an nan torom o Tita, uni i, i labo tang.
Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.
Di ulabo pasi ma di ukis tari una sot na laman o God, ma o God o Tamano i pitar a Tokodos na Nion toromi, elar nami ra i uliliman tari nami. Ra uniri o Iesu i sa pitar pirso a utna ri, ra mot tama i, ma mot longoro i.
Ra dat tasmani lena, a kum utna rop ra i wanpat, o God i papam nami, sur a wakakino in nanpat torom det, ra det nem o God, ma i sa kabo pas det elar nama nuknukino.
A kum mamaut ra met taramo det, ka det labo ma ka det in kis suano i, ikut det warut met, sur met in rakon pas a wakak na kinkinis una minamar, ra ken rop. A minamar ra, i labo sakit taun a kum mamaut ra met taramo i.
