A Wakak na Wasiso un o Iesu Karisito o Jon i tumusi 12:1 - Nupela Testamen long tokples Kandas
1 A wonom na bung utmakai numugu tan a labino bung na lotu na Wanlakai, o Iesu i wanpat tong o Betani, a tamon anun o Lasarus, a musano ra o Iesu i ulaun melet pasi gusun a minat.
Ra o Iesu i wanpat sapat o Jerusalem, i ruk ubalan in noworo ina rumu na etabor. Ra i sa tama tar a kum utna rop, i milet melet utong o Betani tomo nam anun a noino ma aru nat na ususer, uni i sa lirop.
Ma ara ino tagitiro una tamon ra, a tene sakino. Ra i sa tasmani lena, o Iesu kura i wangon una rumu anun a Parisi, i ruk namin nopolo sangsangnain ra kura unin nokoto ra di pami nama wat.
Ara musano tagitong o Betani, a risano o Lasarus, i misait. Detul tisino nam o Maria mo Mata. O Maria ri, i ra i lingis tar in nokoto na polo sangsangnain una aru kikin a Labino, ma i wus sengesenge der nama iwu na lorino.
O Lasarus i pirso, tomo nama kum malu ra di rau tar aru lamano ma aru kikino nami, ma ara du malu kai ra di pulus bat tar in masarino nami. O Iesu i watungi tandet lena, “Mot in palos ru a kum malu na minat gusuni sur in nan.”
A labino bung na lotu na Wanlakai anun a taro Juda i sa milau, ra a susut na taro tagun a kum tamon det mugu usapat o Jerusalem, sur det in utalapor mugu pas det umatan o God ra ka di pami utmakai a labino bung na lotu, elar nama ngasino tagun anundet a lotu.
Una bung numur, a labino kunur na taro ra det wanpat sur a labino bung na lotu na Wanlakai, det longoro i lena o Iesu kai i sa wan nanan usapat o Jerusalem.
A kunur na taro tagun a taro Juda det longoro i lena o Iesu kurong i o Betani, ra det wan utong. Awu sur det wan sur det in tama o Iesu kut, det wan utkai sur det in tama o Lasarus, i ra o Iesu i sa ulaun pasi gusun a minat.
