“Ra tu ino anunu tu noino mani, ra i sa ban raro ru ara. Pepetlai, ken ungangon pas a lam, ra in surupu a rumu, ma in sisio wakak ut suri, tuk ra in sio melet pasi?
Ara bung numur, o Jon i tama o Iesu i wan nanan toromi, ra i watungi uni lena, “Mot tama i, a Barman na Sipsip anun o God, ra in lakro ru a sakino petutna anun a rakrakon bual.
Anung a ramano kum sipsip kai, ka det kis unin noworo na sipsip ri. An ben pas det utkai, ma det in longoro in nalngang, sur det rop det in kis kut unin teken noworo, ma ara sot kut in tene tamtamabat anundet.
Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Stat 17:5 Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.
Una nun a marmaris, numugu utmakai i sa tasmani lena in ras pas dat sur dat a kum nutnutunu, una pinapam anun o Iesu Karisito ra i ulaun dat. Una nun a nemnem ut ma una nun a gasgas i pami lenri.
Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.
Iau o Pita, a aposel anun o Iesu Karisito, a tumtumus torom mot ra o God i sa pilok pas mot, ma mot kis sarara elar nama kum usiro una kum papor Pontus, Galesia, Kapadosia, Asia ma o Bitinia.
I ut i mat sur in kul langolango pas dat gusun anundat a kum sakino petutna, ma in urop ru a kankan anun o God gusun dat. Ma ke mat sur dat kut, i mat sur a taro rop una rakrakon bual.
Tama i! A Tamandat, una labino marmaris anunu torom dat, i watung dat a kum nutnutunu. I lingmulus ut, dat a kum nutnutun o God. A taro tagun a rakrakon bual ka det tasman o God, lenkutkai ra ka det tasman dat lena dat a kum nutnutunu.
Dat in tama lele a kum nutnutun o God ma a kum nutnutun o Satan lenri: Osi ra ke pam a tokodos na petutna, i awu sur a nutun o God, lenkutkai ra torom osi ra ke nem o tisino.
A kum wakak na paspasang, uniri dat a kum nutnutun o God, ma ke puaso utmakai lena, numur, dat in nanpat pepetlai. Ikut dat tasmani lena, numur ra o Iesu in nanpat, dat in elar ut nami, uni dat in tama mulusi maragom.
Ma det kele a matok na kelekele lenri, “Ui ut u tokodos sur un los pas a buk ma un papok ru a kum bulit gusuni, uni di um doko ui, ma u kul pukus pas a taro torom o God nama gapim, a taro tagun a kum kamkabo taro rop, tagun a wur ngas na wasiso rop, tagun a kum tamon rop ma tagun a kum gapman rop.
