A kum lamlabino tene etabor ma a kum Parisi det sa itula taru lena, ra taio i sa tama tar o Iesu, in inanos lakit uni ra kura i kis awai, sur det in pam ukai pasi.
A kum Parisi det longoro a taro det waswasiso eno lenri un o Iesu, ra a kum lamlabino tene etabor torom o God, ma a kum Parisi, det tulu ru a kum tene tamtamabat tagun a rumu na etabor, sur det in pam ukai pasi.
A kum tene tamtamabat tagun a rumu na etabor det milet melet, ra a kum lamlabino tene etabor torom o God ma a kum Parisi det ting det lena, “Sur asau ra ka mot dat pas o Iesu urin?”
Ra ara musano i wanpat, ma i watungi tandet lena, “Tama i, a taro ra mot uruk det una karabus, kurong det mo ubalan in noworo ina rumu na etabor, ma det ususer a taro.”
