Osi ra i nurnur una Nutun o God, i sa utur ukai a nilaun tukum. Ikut, osi ra i rosumur gusun o Nutunu, ken utur ukai a nilaun, uni a kankan anun o God kura uni.”
O Tita i tulu ru iau urin. Kataio in pet lar pasi sur in nan torom iau, ra o Tita ken ben tari torom iau. Ra o Tita in ben tari torom iau, iau ut an ukatutur pasi gusun a minat una bung na warkurai.
Elar nami ra di sa tumus tari una Buk Tabu: “A ukis tar ui sur ui a taman a taro tagun a susut na gapman.” Stat 17:5 Umatan o God, o Abaram a tamandat, uni i nurnur un o God, i ra i ser ukatutur a taro melet gusun a minat, ma i ser wasiso kut, ra a kum utna ra kabaut i wanpat, i wanpat kut.
Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.
Ra katu katkatutur melet gusun a minat, det ra di baptaiso det sur a kum minat, asau ra det in pami? Ra i lingmulus lena a kum minat ka det in katutur melet gusun a minat, sur asau ra di baptaiso a taro sur a kum minat?
Uni met tasmani lena o God, i ra i sa ukatutur melet pas a Labino o Iesu gusun a minat, lenkutkai ra in ukatutur melet pas met tomo nam o Iesu, ra in ben pas met tomo nam mot, sur dat in kis tomo nami umatan o God.
A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat.
Dat nurnur lena o Iesu i mat, ma i laun melet. I mo ra dat nurnur lena, det ra det nurnur un o Iesu, ma det sa mat, o God in ukatutur det ma det in nan tomo nam o Iesu, ra in milet melet.
Iri a mugano katkatutur melet gusun a minat. Ikut det rop ra det sa mat ma ka det laun melet una du bung ra, ka det in laun melet tuk ra ara arip na kilalo ra, in rop, ra det in katutur maragom.
Ma in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.”
Numur a ensel i ese tar a danim na nilaun torom iau, i talapor elar nama galas. I sal pat tagun a kiskis na king anun o God, anunder tomo nama Barman na Sipsip,
A Tokodos na Nion ma a matok na nolin na ino, der watungi lena, “Wan urin!” Ma osi ra in longoro i, i kai in watungi lena, “Wan urin!” Osi ra i muruk, i wakak sur in nan urin, ma osi ra i nemi, in inum tagun a danim na nilaun ra ka din kuli.
