A Wakak na Wasiso un o Iesu Karisito o Jon i tumusi 1:38 - Nupela Testamen long tokples Kandas
38 O Iesu i tur tupukus, i tama der ra der muri, ra i ting der lena, “Asau ra mur nemi?” Der balu i lena, “Rabai,” (a kukuraino a Tene Ususer), “kura u kis awai?”
Ra i katutur pas ma i wan sur o tamano. “Ra i bakbak utmakai, o tamano i sa tama pasi, ra in balano i tupukus nami. I kalabor toromi, i tal pasi ra i gom a wano.
Ra o Iesu i wanpat tiro iai, i tatado usapat netes unin nanai, ra i watungi tano lena, “Sakias, un pirso lakit urin. Uniri an kis tomo nam ui una num a rumu.”
A Labino i tupukus, i tamtama tokodos torom o Pita, ra o Pita i nuk pas a wasiso anun a Labino ra i sa watung tari tano lena, “Uniri, a kereke ken kurkurirakuk utmakai, ra un ipul a tulu dino lena, ko tasman iau.”
O Iesu i balu der lena, “Mur iap sur mur in tama i.” I mo ra der muri, ma der tama a dino ra o Iesu i kis iai. Ra detul wanpat, i sa wat na pakano bung pas, ma detul kis mukut tiro iai a kudulano lirop ra.
I wan torom o Iesu una ra bung na mirum ma i watungi tano lena, “Tene ususer, met tasman ui ra ui a tene ususer, ra o God i tulu ru ui. Katu musano in pam lar pas a kum ukinalong ra u ser pami, ra o God ke kis tomo nami.”
Det wan torom o Jon ra det watungi tano lena, “Tene ususer, a musano ra mur kis tomo pas nami tong un ara papor danim Jodan, i ra u inanos taru uni, uniri kurong mo kai i baptaiso. Ra a taro rop det wan mukut toromi.”
