Jems 3:13 - Nupela Testamen long tokples Kandas

¹³ Osi na pasamot i mananos, ma i tastasman? I wakak ra in upuaso i una nun a wakak na nilaun, una nun a kum wakak na pinapam, tomo nama ngasino ra i unatino pasi ut. A ngasino ra i unatino pasi ut, i wanpat tagun a mananos mulus.

Jems 3:13 交叉參考

Matiu 11:29

Mot in los anung in nikip, ma mot in ususer tang, uni a magirang i wowowon ma a ser unatino pas iau. Mot in los in nikip ri sur a niomot in mana.

Matiu 21:5

“Mot in inanos a taro Saion lena, ‘Tama i, anumot a king i mo ra pat i wan nanan torom mot, i unatino pasi, ma i kas una dongki, a barman na dongki.’” Sek 9:9

Matiu 5:5

Det ra det unatino pas det, det dan, uni det in los pas a rakrakon bual sur anundet.

Matiu 7:24

“I mo ra det rop ra det longoro anung a kum wasiso ri, ma det muri, det elar nama tene mananos, ra i pam tar anun a rumu netes una wat.

1 Korin 6:5

A watungi lenri torom mot sur mot in maimai uni. Pepetlai, kataio tagun mot i mananos sur in pam a warkurai una kum mamaut epotor tan a kum tene nurnur?

2 Korin 10:1

A ramano taro det watungi lena, ra a kis torom mot, ka ser wasiso dekdek, ikut ra a kis gisen anung a wasiso i dekdek sakit. Iau, o Pol, a saring mot sur mot in longoro iau, uni o Karisito i unatino pasi, ma i papam nama wowowon na magirano torom a taro.

2 Korin 8:24

I mo ra mot in ese anumot a marmaris torom detul, sur a taro na lotu una kum tamon gisen det in tama lele a kibino ra met warango mot.

Galesia 5:23

a petutna na urur, a petutna ra taio i tamtamabat wakak anun a nilaun. Katu warkurai in turbat a kum petutna ri.

Galesia 6:1

A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.

Galesia 6:4

Arara tagun mot in lar anun a kum pinapam ut, sur i ut in gas nami. Ikut, gong i elaro i nam tu pinapam anun taio.

Epeses 4:2

Mot in unatino pas mot, ma mot in kis na malmal. Mot in ese a wowowon na magiramot, ma mot in maris etetalai mot, ma gong mot balano sungun ra a ramano taro tagun mot det raro un lako kum utna.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

Kolosi 3:12

Mot a talapor na taro anun o God, ra i maris doko mot, ma i pilok pas mot. I mo ra, i wakak sur mot in emar nama kum petutna ri: mot in warut a taro, mot in pam a wakakino torom det, mot in unatino pas mot, mot in kis na malmal ma mot in ese a wowowon na magiramot.

1 Timoti 4:12

Gong u madek tar taio sur in tama pisopiso ui, uni u barman utmakai. Una num a wasiso, anum a petutna, anum a marmaris, anum a nurnur ma anum a tokodos na nilaun, un elar nama wakak na malalar, sur a kum tene nurnur det in pam murmuri.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

2 Timoti 2:25

Det ra ka det nem anun a etowo, in ukodos wowowon det, sako o God in mulaot pas det sur det in nukpukus, ma det in tasman a lingmulusino.

Taitus 3:2

Gong det emang, det in balano molmol, det in pam a wakakino torom a taro, ma det in unatino pas det torom a taro rop.

Ibru 13:5

Mot in tamtamabat mot sur mot in langolango gusun a nemnem sur a mani. Mot in gas kut nama sau ra kura tamot. Uni o God i sa watung tari lena, “Kan madek ru ui, ma kan nan gusun ui.” Lo 31:6

Jems 1:21

I mo ra mot in mana gusun a kum dur na petutna, ma a kum sakino, ra kuri i bukus una rakrakon bual. Ra mot in unatino pas mot, ma mot in mur a wasiso ra di sa marut tari una balbala mot, a wasiso anun o God ra in ulaun mot.

Jems 2:18

Ra taio kai in watungi lena, “Ui u nurnur, ma iau, a pam a kum wakak na pinapam.” Un upuaso anum a nurnur torom iau, ra ke wan tomo nama wakak na pinapam. Ra iau, an upuaso anung a nurnur tam, nam anung a kum wakak na pinapam.

Jems 3:1

A kum tistising, gong lako susut tagun mot det wanpat a kum tene ususer tagun a lotu, uni mot tasmani lena, a warkurai anun o God torom met, a kum tene ususer, in dekdek sakit tan a warkurai torom a taro gisen.

Jems 3:17

Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun.

1 Pita 1:15

Mot in tokodos una numot a kum ngasino rop, elar nam o naro ra i kabo pas mot i tokodos.

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.

1 Pita 2:9

Ikut mot a taro na pipilok, a kum tene tuntun etabor anun a King, a tokodos na kabotaro, ma a taro anun o God. O God i sa kabo pas mot gusun a dumirum sur anun a talapor ra i wakak doko, sur mot in wasiso puaso una anun a kum wakak na pinapam.

1 Pita 3:4

Anumot a ememar mulus ra ken rop, in nanpat ut tagun a balamot, lenri a wowowon na petutna ma a kinkinis na malmal. A ememar ri, a labino utna doko umatan o God.