Jems 1:4 - Nupela Testamen long tokples Kandas

⁴ Ra mot in tur dekdek, mot in tokodos sakit una numot a nilaun rop, ma ka mot in sibo sur tu wakak na petutna.

Jems 1:4 交叉參考

Matiu 10:22

Ma a taro rop det in nget mot uni mot anungi, ikut osi ra in tur dekdek tuk anun a nilaun in rop, o God in ulauni.

Matiu 19:20

A barman ra i watungi tano lena, “A kum Warkurai rop ri a sa mur sot pasi. Asau melet mo an pami?”

Matiu 5:48

I mo ra mot in tokodos mulus, elar nama Tamamot ra i kis sapat una langit, i tokodos mulus.”

A Wakak na Wasiso un o Iesu Karisito o Mak i tumusi 10:21

O Iesu i tamtama toromi, i marisi ra i watungi tano lena, “Ara utna mukut ra kabaut u pami. Un nan ma un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Luk 18:22

Ra o Iesu i longoro i, i watungi tano lena, “Ara utna mukut ra kabaut u pami. Un siuru ru anum a kum utna rop, ra a mani taguni, un tabor a kum sibo na taro nami. Ra un pami lenra, anum a wakak na ululeng kusapat una langit. Numur un nan urin ma un mur iau.”

Luk 21:19

Anumot a tuntunur dekdek in ulaun mot.

Luk 8:15

Ikut a kum pitino ra det puku una wakak na piso, det elar nam ara taro ra det longoro a wasiso, ma a balandet i wakak ma i tokodos, ra det pam ukai dekdek a wasiso ra det muri tuk det wu a windet.

A Wakak na Wasiso un o Iesu Karisito o Jon i tumusi 17:23

Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

1 Tesalonaika 5:23

Metul wararing sur o God ut, a God na malmal, in uwakak pas anumot a nilaun, sur mot in tokodos rop umatano. Metul wararing kai sur o God in tamtamabat a niomot, a nuknuki mot ma a pinimot, sur gong tu etakun in los mot una bung ra anundat a Labino o Iesu Karisito in milet uni.

2 Timoti 3:17

A Buk Tabu i waninar a taro anun o God sur det in pam a kum ngas na wakak na pinapam rop.

Ibru 13:21

A wararing torom o God sur in tabor mot nama kum wakak na petutna rop, sur mot in mur anun a nemnem. A wararing kai un dat, lena, una pinapam anun o Iesu Karisito, o God in papam una nilaun anundat sur asau ra in gas nami. Dat in watung ulabo pas o Iesu Karisito, ken rop ma ken rop. Amen.

Jems 1:5

Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring.

Jems 3:2

Dat rop dat raro una susut na utna. Ikut, ra taio ke raro un tu utna una nun a wasiso, i ra i tokodos sakit, ma in pet lar pasi sur in ukodos pas anun a nilaun rop.

1 Pita 5:10

Ikut o God, i a God na marmaris, ma un o Karisito i kabo pas mot sur mot in kis tomo nami una nun a minamar ra ken rop. Ra mot sa taramo tar a ngunungut un tu nat na du bung kut, numur i ut in uwakak pas mot melet, in udekdek mot ma in warut mot sur mot in tur dekdek.

2 Pita 1:9

Ikut, osi ra a kum ngasino ri ke kis uni, i sa gawul in matano ma i sa pulu, ma i sa dumano ru i lena o God i sa gos talapor tari gusun a kum sakino petutna ra i pam tari.