Jems 1:27 - Nupela Testamen long tokples Kandas

²⁷ Ikut, ra dat warut a kum nat na soi, ma a kum ula, ra det pot na marmaris, ma dat tumarong dat kai gusun a kum dur na petutna tagun a rakrakon bual, iri a lingmulus na lotu, ra i tokodos, ma katu utna i raro uni umatan o God a Tamandat.

Jems 1:27 交叉參考

Matiu 12:32

Osi kai ra in watung tar tu sakino wasiso una Nutun a Musano, din unus ru i kut, ikut osi ra in wasiso laulau una Tokodos na Nion, ka din unus lar pasi, una nilaun uniri ma una nilaun numur kai.

Matiu 5:8

Det ra a nuknukin det katu dur uni, det dan, uni det in tama o God.

Luk 1:6

Der aru tene tokodos umatan o God, der mur wakak a kum Warkurai rop anun a Labino.

A Pas anun o Pol torom a taro Rom 12:2

Ma gong mo mot tamtama ususer una nilaun tagun a rakrakon bual. Mot in pitar tar mot torom o God, sur in pukus a nuknuki mot, ma in umatoki, sur mot in tasman lele anun a nemnem. Anun a nemnem ra i wakak, i tokodos sakit, ma i gas nami.

A Pas anun o Pol torom a taro Rom 2:13

Uni, awu sur det rop ra det longoro a Warkurai det tokodos umatan o God, awu. Det kut ra det mur rop a Warkurai, din watung det a kum tene tokodos.

Galesia 1:4

O Iesu i ubek ru anun a nilaun una anundat a kum sakino petutna, sur in ulaun dat gusun a kum sakino petutna ra a taro det pami una kum kilalo ri. I elar nama nemnem anun anundat a God a Tamandat.

Galesia 3:11

Katutaio in mur sot rop pas a kum Warkurai rop. I mo ra, i talapor lena, o God ken watung taio a tene tokodos, uni i mur a kum Warkurai. A Buk Tabu i watungi lenri, “Osi kut ra i nurnur, o God in watungi a tene tokodos ma in laun.” Hab 2:4

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Galesia 6:14

Iau ut kan warango pas iau. An warango pasi kut anundat a Labino o Iesu Karisito ra i mat unin nanai kutus. Uni unin nanai kutus, a petutna anun a rakrakon bual i mat gusun iau, ma iau kai, a sa mat gusun a kum petutna anun a rakrakon bual.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

1 Timoti 1:5

A watungi lenra, sur a marmaris in lubung epotor tandat etetalai. A marmaris ra, i wan tagun a tokodos na balandat, ma a wakak na nuknukin dat, ma a lingmulus na nurnur.

1 Timoti 5:4

Ikut, ra tu ula a kum nutnutunu o a kum tumtubunu kura, i wakak ra det in upuaso mugu anundet a nurnur nama warut torom a kum kukundet, sur det in balu a marmaris anun a tamandet ma a nandet ma a kum tumtubun det. Ra det in pami lenra, o God in gas.

Taitus 2:12

A marmaris ri i ususer dat, sur dat in nan gisen gusun a kum petutna ra ke sot nama nuknukin o God, ma gusun a kum nemnem sur a kum utna tagun a rakrakon bual, ma dat in tamtamabat wakak anundat a nilaun, dat in tokodos, ma dat in laun murmur a nuknukin o God una nilaun ri,

Jems 3:17

Ikut osi ra i utur ukai a mananos tagisapat una langit, a mugano utna in tokodos, ma in tene malmal, ma in ser nuk pas a taro gisen, ma in ser unatino pasi, in bukus nama marmaris, ma in wu a wakak na wino una nun a nilaun, ma in pam ara ngas na petutna kut torom a taro rop, ma katu torotoro tiro una nun a nilaun.

Jems 3:9

Dat watung ulabo pas a Labino a Tamandat namin karmendat, ma dat watung laulau i kai a taro nami, det ra o God i ukis tar det elar nama malalarino.

Jems 4:4

Mot sa wan gusun o God, elar nama ino ra i wan pas gusun anun a musano, ra i nolin tomo nama ara musano bulung. Ka mot tasmani lena, ra mot nem a petutna tagun a rakrakon bual, mot a kum ebar anun o God? Osi ra i pilok pas a rakrakon bual sur der pasano, i a ebar anun o God.

2 Pita 1:4

I tabor dat nama kum liliman ra i wakak doko ma i labo doko, kibino una nun a minamar ma a wakak na magirano. I sa liliman taru sur mot in pet lar pasi, sur mot in rakon a magiran o God ma anun a nilaun kai, ma sur mot in walip gusun a utna tagun a rakrakon bual ra in ban laulau mot, ra i ser wanpat tagun a kum laulau na nemnem.

2 Pita 2:20

A taro ra det sa wan gisen gusun a kum dur na petutna tagun a rakrakon bual, uni det sa tasman o Iesu Karisito, anundat a Labino ma Tene Ulaun, ikut numur det puku unin nukun ina sakino petutna, ma a kum laulau na utna ra, i ker ukai melet det, anundet a kinkinis numur in laulau doko taun anundet a kinkinis numugu, ra ka det tasmani utmakai o Iesu Karisito.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

1 Jon 5:18

Dat tasmani lena det rop ra a kum nutnutun o God, ka det ser pam meleti mo a kum sakino petutna. Uni a Nutun o God i tamtamabat det ut, ra o Satan ke pet lar pasi sur in ban laulau det.