10 A kum warkurai ri tagun a inangon ma a ininum ma a kum pinapam na gos talapor a taro umatan o God. Det a kum warkurai kut tagun a pinindat. Det tur kut, tuk una bung ra o God i umatok a kum utna.
Ra det in milet tagitiro una nubual na siuru, det in gos lamandet mugu pas ut, numur det in nangon. Ma a ramano kum etowo kai anun a taro tagun numugu det ser muri, i lenri, det ser gos a kum kap, a kum kuro, ma a kum ketel.
Ikut uniri mot sa tasman a lingmulus na God. A lingmulus, o God i tasman mot. Sur asau ra mot milet melet sur a kum laulau na nion ra ka det gas un tu utna? Pepetlai, mot nemi sur mot in tene ititula melet torom det?
Anun a nemnem i lenri: In dat tomo a kum utna rop sapat netes una langit ma nin upiso, sur det rop det in kis utuntudu ina warkurai anun o Karisito. Ra a bung in sot in pam sot pasi ut.
I mo ra, gong mot madek tar taio sur in takun mot lena, ka mot pam sot pas a kum warkurai un asau ra mot in nani ma mot in inumi, ma una kum lamlabino bung na lotu, ma una kalang ra i wanpat kibin, ma una Bung na Sabat.
I mo ra, dat in nan milau o God nama lingmulus unin balandat ma a nurnur mulus, ma a nuknukin dat ra i langolango gusun a kum etakun una kum sakino petutna, uni o Iesu i sa lamir talapor tari nama gapino. Dat in nan milau i nama pinindat ra i sa gos tari nama danim ra i talapor.
Gong mot mur a kum wur ngas na etowo ra i ben raro mot. I wakak ra a marmaris anun o God in udekdek a niondat. Ra dat mur a kum warkurai una utna na inangon, ken udekdek a niondat, ma ken warut det ra det ser mur a kum warkurai ra.
a etowo una wur ngas na kisapi tagun a baptais, a etowo una ubek lamandi netes una taro, a katkatutur melet gusun a minat ma a warkurai na minabalu tukum.
Awu sur i los a pinapam na tene etabor torom o God uni i tagun a kabotaro Liwai elar nama wasiso na Warkurai, awu. I los a pinapam kibino una dekdekin a nilaun anunu ra ken rop.
