Ibru 6:10 - Nupela Testamen long tokples Kandas

¹⁰ O God ke ser pam tu utna ra ke tokodos. Ken dumano anumot a pinapam ma anumot a marmaris ra mot ese i toromi una numot a warut torom anun a taro ra mot sa pam tari ma mot pami utmakai.

Ibru 6:10 交叉參考

Matiu 10:42

Osi ra in tabor anung tu nat na ususer, ra ke sot umatan a taro, nam lakalik kotokoto na danim, uni i tasmani lena, i anung a nat na ususer, a inanos mot nama lingmulus, i kai in losi ut anun a ikul.”

Matiu 20:7

Det balu i lena, ‘Katutaio i ben met sur tu pinapam.’ I watungi tandet lena, ‘Mot kai mot in nan ma mot in papam una nung a kinobot na wain.’

Matiu 25:17

Lenkutkai ra torom o naro ra di pitar tar aru arip na mani tano, i ulabo melet pas aru arip taguni.

A Wakak na Wasiso un o Iesu Karisito o Mak i tumusi 9:41

A inanos mot nama lingmulus, osi ra in tabor mot nam lakalik danim uni mot anun o Karisito, in losi ut anun a ikul.

A Wakak na Wasiso un o Iesu Karisito o Jon i tumusi 13:20

A inanos mot nama lingmulus, osi ra i gas pas o naro ra a tulu i, i gas pas iau utkai. Ma osi ra i gas pas iau, i gas pasi utkai o naro ra i tulu ru iau urin.”

Aposel 10:31

ra i watungi lena, ‘Konelias, o God i sa longoro tar anum a niaring, ma i sa tasman anum a kum etabor torom a kum sibo na taro.

Aposel 10:4

Ra o Konelias i tamtama dekdek toromi nama labino nginara, ra i tingi lena, “Labino, asau ra?” Ra a ensel i balu i lena, “Anum a kum niaring ma a kum etabor torom a kum sibo na taro, det wan usapat torom o God, elar nama etabor ra i ugasgasi.

Aposel 11:29

Ra a taro na ususer det kubus pasi sur det in etabor torom a taro na nurnur ra det kis una papor Judia. Det rop taktakai det in etabor nama sau ra i sot sur det in etabor nami, elar nama sau ra det utur ukai i.

A Pas anun o Pol torom a taro Rom 12:13

Ra a taro anun o God det sibo sur tu utna, mot in warut det. Mot in dekdek sur mot in gas pas a kum usiro.

2 Korin 9:1

Kan tumtumus melet mo torom mot una pinapam na warut torom a taro anun o God sapat o Jerusalem.

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

Kolosi 3:17

Una kum utna rop ra mot pami ma mot watungi, mot in pami ut nama risan a Labino o Iesu, ma mot in watung wakak torom o God a Tamandat, kibino una pinapam ra o Karisito i pami un mot.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Timoti 6:18

Un inanos det sur det in pam a wakakino, ma det in bukus nama kum wakak na pinapam, det in ser etabor, ma det in ser isuaro a utna kai torom lako taro.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 10:32

Mot in nuk pas a kum bung numugu ra mot sa los pas a talapor una numot a nilaun, ra di pitar a kum labino mamaut ma a kum ngunungut torom mot, ikut mot tur dekdek ut.

Ibru 13:16

Gong mot dumano i sur mot in pam a kum wakak na pinapam ma mot in tabor a taro. Uni a pinapam ra, i elar nama etabor torom o God ra in gas uni.

1 Jon 1:9

Ra dat watung puaso anundat a kum sakino petutna, o God ut i tokodos, ma in pam sot pas anun a liliman, ma in unus ru anundat a kum sakino petutna, ma in utalapor dat gusun a kum petutna ra ke tokodos.