Ibru 3:12 - Nupela Testamen long tokples Kandas

¹² A kum tistising, mot in tumarong, sako taio tagun mot a nuknukino in mur a sakino petutna ma ken nurnur, ma in nan gisen gusun o God, ra i laun.

Ibru 3:12 交叉參考

Matiu 16:16

Ra o Saimon Pita i balu i lena, “Ui a Karisito, a Nutun o God ra i laun.”

Matiu 24:4

O Iesu i balu det lena, “Mot in tumarong, sako taio in toro pas mot.

A Wakak na Wasiso un o Iesu Karisito o Mak i tumusi 13:23

Mot in tumarong mot! A sa inanos mugu tar mot una kum utna rop ra in nanpat.

A Wakak na Wasiso un o Iesu Karisito o Mak i tumusi 13:33

Mot in nuknuk wakak, ma mot in tumarong, uni ka mot tasmani ra nangisin a kum utna ri in nanpat.

A Wakak na Wasiso un o Iesu Karisito o Mak i tumusi 13:9

“Mot in tumarong mot. A taro det in pitar mot ulaman a kum tene warkurai, ma det in miras mot una kum rumu na lotu. Mot in tur una kum warkurai numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det.

Luk 21:8

I balu det lena, “Mot in tumarong, sako din toro pas mot. Uni a susut det in nanpat nama risang, ma det in warango det lena, ‘Iau a Karisito,’ ma lena, ‘A du bung i sa milau.’ Gong mot mur det.

A Pas anun o Pol torom a taro Rom 11:21

Uni o God ke maris bat a kum kano tagun in nanai na oliw mulus. Ra i pami lenra torom det, in pami kai lenra torom mot ra ka mot nurnur.

1 Korin 10:12

Ra taio i nuki lena i tur dekdek, in tumarong, sako in puku taru una sakino petutna.

Kolosi 2:8

Mot in tumarong mot, sur gong taio i ukarabus mot nama mananos anun a taro kut, ra i a etowo oros kut ma a torotoro. A mananos ra, i wanpat kut tagun a kum etowo anun a kum tumtubun det tagun numugu, ma tan a kum laulau na nion tagun a rakrakon bual, ma awu sur tan o Karisito.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

Ibru 10:31

In dekdek doko a nginara anun taio, ra o God ra i laun, in pitar a dekdek na warkurai na minabalu toromi.

Ibru 10:38

Ikut osi ra i nurnur, an watungi anung a tene tokodos ma in laun. Ma ra in sabut sikot gusun a nurnur, kan gas nami.” Hab 2:3-4

Ibru 12:15

Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut.

Ibru 12:22

Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 3:1

I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

Ibru 3:10

Iri a kibino ra a kankan torom a taro tagun a kum kilalo ra, ma a watungi lena, ‘A nuknukin det i wan raro bolbolos, ma ka det tasman anung a kum kisapi.’

Ibru 3:19

I mo ra dat tama i lena ka det pet lar pasi sur det in ruk una nun a tamon na mana, uni ka det nurnur.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.