Ibru 12:9 - Nupela Testamen long tokples Kandas

⁹ A kum tamtaman dat taginin upiso det ukodos dat, ma dat ru det una nundet a kum etowo torom dat. Ra dat pami lenra, i lingmulus sakit sur dat in mur a etowo ra a Taman a kum niondat i ukodos dat nami, ma dat in laun.

Ibru 12:9 交叉參考

Luk 18:2

I watungi lena, “Ara tene warkurai i kis una ara tamon, ke ngara sur o God, ma ke nuk pas a taro kai.

Luk 18:4

I sa suano i ma ke mulaot tano, ra numur i nuki lena, ‘A lingmulus, ka ngara sur o God, ma ka ser nuk pas a taro,

A Wakak na Wasiso un o Iesu Karisito o Jon i tumusi 3:6

Osi ra di ususi una pinindi, i ra a pinindi ut, ma osi ra di ususi una nion, i ra a nion ut.

Aposel 2:30

Ikut o Dewid a poropet, ra i tasmani lena, o God i sa liliman dekdek taru toromi lena, i ut in ukis tar taio tagun a kabotaro anunu sur in kelesi una nun a kiskis na king.

A Pas anun o Pol torom a taro Rom 1:3

A Wakak na Wasiso i wasiso un o Nutunulik, ra di usus pasi tagun a kabotaro anun o king Dewid.

A Pas anun o Pol torom a taro Rom 9:3

Ra gunuk an pet lar pasi, a nemi sur an tur keles a kum tistising, anung a taro Juda, ma din ubek tari mukut anundet a warkurai na minabalu un iau, ma din rakon ru iau gusun o Karisito, sur din ulaun pas det.

A Pas anun o Pol torom a taro Rom 9:5

Det a kabotaro anun o Abaram, o Aisak ma o Jekop. Ra o Karisito i wanpat a musano mulus, i wanpat tagun det, i a Karisito ra i warkurai sur a kum utna rop, ma i ut ra o God. Dat in watung ulabo pasi, ma ken rop. Amen.

Jems 4:10

Mot in unatino pas mot umatan a Labino, ra in ulabo pas mot.

Jems 4:7

Mot in unatino pas mot, ma mot in mur o God. Mot in turbat ru o Satan, sur in nan gusun mot.

1 Pita 5:6

I mo ra, mot in unatino pas mot utuntudu ina dekdek na laman o God, sur in ulabo pas mot una du bung ra i nemi.

Tamtama 22:6

A ensel i watungi tang lena, “A kum wasiso ri, i lingmulus ma i topasi sur din nurnur uni. A Labino, o God ra i mugu a nion a kum poropet sur det in upuaso anun a kum wasiso, i tulu ru anun a ensel sur in ese tar anun a kum tultul una kum utna ra milau in nanpat.”