Galesia 5:1 - Nupela Testamen long tokples Kandas

¹ O Karisito ut i sa ulangolango pas dat, sur dat in langolango mulus. Mot in tur dekdek, ma gong mot madek tar taio sur in ker ukai mot sur mot in elar nama kum tene ititula melet.

Galesia 5:1 交叉參考

Matiu 23:4

Det pitar tar a kum warkurai ra i ngangitin sur a taro det in muri, ikut det ut, ka det warut det uni.

Luk 5:38

Din titior a matok na wain ut utiro unin matok na koto na wain.

Aposel 15:10

Ilai ra mot nem na lar o God? Ra mot watungi lena a taro na ususer det in mur a Warkurai anun o Moses, i elar nami ra mot pitar tar a maut torom det. A kum tumtubun dat tagun numugu ka det pet lar pasi sur det in muri, ma dat kai uniri awu.

A Pas anun o Pol torom a taro Rom 6:14

Ka mot in kis melet mo utuntudu ina dekdekin a sakino petutna, uni ka mot kis mo utuntudu ina kum Warkurai. Uniri mot sa kis utuntudu ina marmaris anun o God.

A Pas anun o Pol torom a taro Rom 6:18

Di sa ulangolango pas mot gusun a sakino petutna, ma uniri mot a kum tene ititula mo anun a tokodos na petutna.

A Pas anun o Pol torom a taro Rom 7:3

I mo ra a ino, ra in nolin melet nam tu musano, ma anun a musano i laun utmakai, a ino ra i pam a sakino. Ikut ra anun a musano i sa mat, a ino ra i langolango gusun a warkurai na nolin, ma ra in nolin melet nam tu musano, awu sur i pam a sakino.

A Pas anun o Pol torom a taro Rom 7:6

Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.

A Pas anun o Pol torom a taro Rom 8:15

Uni a Nion, ra mot los pasi, awu sur a ngas na nion ra i pam mot sur mot in tene ititula melet mo anun a nginara, awu. Mot los pas a Nion sur mot a kum nutnutun o God, ra i ras pas mot. Ma una dekdekin a Nion, dat ser kakabo torom o God lena, “Aba, Tita.”

A Pas anun o Pol torom a taro Rom 8:2

Uni, ra iau tagun o Karisito Iesu, a dekdekin a Tokodos na Nion, ra i ser pitar a nilaun, i ulangolango pas iau gusun a dekdekin a sakino petutna, ra i pitar a minat tang.

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

1 Korin 16:13

Mot in tumarong, ma mot in tur dekdek una nurnur. Mot in elar nama kum dekdek na musano, ra ka det ngara.

1 Korin 7:22

Uni i ra a tene ititula ra a Labino i sa kabo pasi, i a langolango na musano mo anun a Labino. Lenkutkai ra, i ra awu sur a tene ititula ra a Labino i sa kabo pasi, i a tene ititula mo anun o Karisito.

2 Korin 11:20

I lingmulus, mot gas pas det, ra det ukarabus mot ma det ban laulau mot, ma det urop ru anumot a kum utna ma det ulabo pas det umatamot, ma det pasor a kum masmasari mot.

2 Korin 3:17

A Labino i a Nion, ma taio ra a Nion a Labino kura uni, in langolango.

Galesia 2:4

Met wasiso una utna ri, uni a ramano kum torotoro na tene nurnur det sa ruk eno taru torom a kum tene nurnur, elar nama kum tene longoro eno. Det nemi sur det in longoro wasiso una nundat a kinkinis langolango, ra dat sa utur ukai i tan o Karisito Iesu, sur det in ker tar dat melet una kum Warkurai anun a taro Juda.

Galesia 3:25

Ikut uniri, dat sa nurnur, ra ka dat kis melet mo utuntudu ina kum Warkurai.

Galesia 4:26

Ikut o Jerusalem kusapat una langit, i langolango elar nam o Sara, a ino ra awu sur a tene ititula, ma i a nandat, a kum tene nurnur.

Galesia 4:31

I mo ra a kum tistising, awu sur dat a kum nutnutun a tene ititula na ino. Dat a kum nutnutun a ino ra ke tene ititula.

Galesia 4:9

Ikut uniri mot sa tasman a lingmulus na God. A lingmulus, o God i tasman mot. Sur asau ra mot milet melet sur a kum laulau na nion ra ka det gas un tu utna? Pepetlai, mot nemi sur mot in tene ititula melet torom det?

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Epeses 6:14

Mot in tur dekdek, mot in ker ukai mot nama lingmulus, elar nama let. Ma mot in emar nama tokodos na petutna, elar nama du pino aen ra a tene inaim i ubek bat a romrobono nami.

Pilipai 1:27

Asau ra in nanpat, anumot a nilaun in mur sot pas a Wakak na Wasiso anun o Karisito. Ra an nan sur an tama mot, o ra an kis bakbak ma an longoro i kut a wasiso un mot, an tasmani lena, mot tur dekdek un ara nuknuk sot kut, ra mot papam tomo nam ara nuknuki mot kut sur a taro det in nurnur una Wakak na Wasiso,

1 Tesalonaika 3:8

Uniri anumetul a nilaun i wakak doko, uni mot tur dekdek una Labino.

2 Tesalonaika 2:15

I mo ra, a kum tistisi metul, mot in tur dekdek, ma mot in utur ukai a kum etowo ra metul sa ususer tar mot nami. A kum etowo ra metul sa watung tari ma metul sa tumus tari kai, torom mot.

Ibru 10:23

Dat in tur dekdek una nundat a kinkinis langlang nama nurnur sur asau ra o God in pami, ra dat ser wasiso puaso uni. Dat in tur dekdek, ma gong dat wan gisen gusuni, uni o God in pam soti ut asau ra i sa uliliman taru uni.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

1 Pita 2:16

Mot sa langolango, ikut gong mot langolango sur mot in pam a sakino. Mot in laun elar nami ra mot a kum tultul anun o God.

2 Pita 2:19

Det liliman torom det lena, det in langolango, ikut det ut, ka det langolango, det tene ititula torom a kum dur na magirandet. Uni taio in tene ititula torom asau ra i labo doko una nun a nilaun.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.

Tamtama 2:25

A kum sau rop ra mot sa utur ukai i, mot in tur dekdek uni tuk ra an nanpat.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.