Aposel 4:26 - Nupela Testamen long tokples Kandas

²⁶ A kum king taginin una rakrakon bual det tur na inaim, ma a kum mugumugu det wan tomo, sur det in ban laulau a Labino ma anun a Mesaia, i ra i sa pilok pasi.’ Sng 2:1-2

Aposel 4:26 交叉參考

Luk 4:18

“A Nion a Labino i kis un iau, uni i sa pilok pas iau sur an warawai nama wakak na wasiso torom a kum sibo na taro. I tulu ru iau sur an warawai lenri, din palos ru det ra di sa ker ukai tar det, din utamtama melet a kum pulu, din ulangolango ru det ra det taramo a mamaut ra di sa pam tari un det,

Aposel 10:38

Mot tasmani lena, o God i sa pitar tar a Tokodos na Nion ma a dekdek torom o Iesu, a te Nasaret. Mot tasmani kai lena, i wan tuptupukus, ra i pam a kum wakak na pinapam, ma i ulangolango pas det rop ra det kis utuntudu ina dekdekin o Satan. O Iesu i pam a kum utna ri, uni o God i kis tomo nami.

Ibru 1:9

U nem doko a tokodos na petutna, ma u nget a sakino petutna. I mo ra o God, anum a God, i pilok pas ui, ma i pitar tar a gasgas ma a urur tam, ra i labo sakit taun a gasgas ma a urur ra i pitari torom a kum paspasam.” Sng 45:6-7

Tamtama 11:15

A ururop tagun a wonom mawit na ensel i wup anun in tuwuru, ra a susut na labino walngan a taro sapat una langit det watungi lena, “A gapman tagun a rakrakon bual i sa tupukus sur a matanitu mo anun anundat a Labino ma anun o Karisito. O Karisito anun a Labino. Ma anundat a Labino in kis na king tukum, ken rop ma ken rop.”

Tamtama 12:10

Ra a longoro in labino walngan ara sapat una langit i watungi lena, “Uniri anundat a God i sa ulaun pas a taro, i sa ese a dekdekino, ma anun a matanitu i sa wanpat, ma a warkurai anun o Karisito i sa wanpat. O Karisito anun o God. Uni di sa woro pirso ru a tene etakun ra i ser takun a kum tistisin dat, i ra i ser takun det umatan o God una kum mirum ma a waspi.

Tamtama 17:17

Uni o God ut i sa unuk tari una nuknukin det sur det in pam sot pas a nuknukino lenri: Det in pitar tar a dekdekin det ra det ser warkurai nami, torom a kuabor na wewegua, tuk ra din pam sot pas a kum wasiso anun o God.