Aposel 26:7 - Nupela Testamen long tokples Kandas

⁷ Anumet a noino ma aru kabotaro, det kis langlang nama nurnur sur din pam sot pas a liliman ra torom det, ra det ser lotu torom o God una kum mirum ma a waspi rop. King, a taro Juda det takun iau, uni a nurnur ut una liliman ra.

Aposel 26:7 交叉參考

Matiu 19:28

O Iesu i watungi tandet lena, “A Nutun a Musano in kis na king una nun a kiskis na minamar ra din umatok a kum utna rop. A inanos mot nama lingmulus, una du bung ra, mot ra mot sa mur iau, mot in kis una noino ma aru kiskis na king, ma mot in warkurai sur a noino ma aru kabotaro Israel.

Luk 2:25

Ara musano i kis sapat o Jerusalem a risano o Simion, a tene tokodos ma a tene urur kai torom o God. I ser kis langlang sur o God in ulaun a taro Israel, ma a Tokodos na Nion i kis uni.

Luk 22:30

sur mot in nangon ma mot in inum una nung a kabulu una nung a matanitu. Ma mot in kis una kum kiskis na king, ra mot in warkurai sur a noino ma aru kabotaro Israel.”

Aposel 20:31

Mot in tumarong! Mot in nuk pasi lena, a tulu kilalo ka mana gusun mot rop nama wasiso na utumarong, una kum mirum ma a waspi, ma a lurlur na matang i puku uni.

Aposel 24:15

Anung a nurnur un o God i elar nama taro ri. Iau kai a kis langlang nama nurnur lena o God in ukatutur melet pas a wakak na taro ma a laulau na taro gusun a minat.

Aposel 26:2

“King Agripa, a gas doko sur an tur umatam ra an wasiso bat iau una kum utna rop ra a taro Juda det takun iau nami.

Aposel 26:3

Uni ui a tene mananos tagun a kum ngasino anun a taro Juda, ma tagun a kum utna kai ra det ser wasiso to i. I mo ra a saring ui sur un kis wowowon ma un longoro iau.

Aposel 28:20

A itula sur mot, sur dat in kis tomo ma an wasiso talapor una kibino ra di sen ukai tar iau. Di sen ukai tar iau uni a kis langlang nama nurnur sur o naro ra a taro Israel kai det kis langlang suri.”

Pilipai 3:11

I lenkutra, a nurnur lena, iau kai an katutur melet gusun a minat.

1 Tesalonaika 3:10

Una kum mirum ma a waspi, metul pitar rop tar anumetul a nilaun una niaring sur mot. Metul wararing sur metul in tama melet mot, ma metul in ususer mot un lako kum utna ra mot sibo utmakai suri una numot a nurnur.

1 Timoti 5:5

A ula, ra kataio i tamtamabati ma i sibo mulus, i nurnur kut un o God ma i kis langlang sur in waruti. Una kum mirum ma a waspi, i ser wararing sur o God in waruti.

Jems 1:1

Iau o Jems a tultul anun o God ma anun a Labino o Iesu Karisito, a tumus a pas ri torom mot a noino ma aru kabotaro Israel. Mot kis sarara una kum tamon una rakrakon bual, uni det nem na um doko mot. A marmaris torom mot.