Aposel 25:6 - Nupela Testamen long tokples Kandas

⁶ Ra o Pestus i sa kis tomo pas nam det a tiwal na bung, o a noino bung, i milet melet utong o Sisaria. Una bung numur, i turpasi sur in pam a warkurai, ra i itula sur din ben o Pol toromi.

Aposel 25:6 交叉參考

Matiu 27:19

Ra o Pailat kura utmakai i pam a warkurai, anun a ino i pitar ru a wasiso toromi lena, “Gong u pam tu utna una tene tokodos ra, katu niraro anunu. Uni nanganong mirum, a ririon, ma a kum utna a tama i una musano ra, i ban laulau anung a nilaun.”

A Wakak na Wasiso un o Iesu Karisito o Jon i tumusi 19:13

O Pailat i longoro a kum wasiso ri, ra i ben pirso pas o Iesu unago upiso. Numur o Pailat i kis taru una kiskis na warkurai, kura una dino ra di watungi o Gabata una wasiso Ibru. A kukuraino i lena, di ubek bat a piso nama kum watat.

Aposel 25:1

Ra o Pestus i sa wanpat tiro o Sisaria una papor ra in warkurai iai, i kis pas kut a tulu bung, ra numur i wan usapat o Jerusalem.

Aposel 25:10

Ra o Pol i balu i lena, “Uniri a tur una warkurai anun a Sisa, i tokodos ut sur din warkurai iau nin. Ka pam tu niraro torom a taro Juda, ui kai u sa tasman tari.

Aposel 25:17

“Ra det wanpat tomo nin, ka balbalon nama warkurai. Ara bung kut numur, a kis una kiskis na warkurai, ra a itula sur din ben pas a musano ra.

Aposel 25:4

Ikut o Pestus i balu det lena, “O Pol kurong ut i kis tong o Sisaria, ma iau kai milau sur an milet melet utong.

Aposel 25:5

I wakak sur lako kum mugumugu tagun mot, det in nan tomo nam iau utong. Ma ra tu utna a musano ra in raro uni, det in takuni nami tong.”

Aposel 8:40

O Pilip i tama i lena, kurong mi una tamon Asdot. I wan tagitiro iai, ra i warawai nanan nama Wakak na Wasiso una kum tamon tuk tong o Sisaria.

2 Korin 5:10

Uni dat rop dat in tur sa numugu tan a kiskis na warkurai anun o Karisito. Dat taktakai, dat in los a ikul una kum utna ra dat sa pam tari una nilaun nin upiso, a wakakino, o a laulau ino.

Jems 2:6

Ikut mot, mot ban umaimai i kut a kum sibo na taro. A kum tene gongon, det ser ukis laulau mot nama dekdek ra det utur ukai i, niko? Ra det dat pas mot sur mot in tur una warkurai.