Aposel 22:25 - Nupela Testamen long tokples Kandas

²⁵ Ra det ker tari nama kum sen sur det in mirasi, o Pol i watungi torom a mugumugu anun a kum tene inaim ra i tur milau i lena, “Pepetlai, i tokodos kut sur din miras tu te Rom, ra ka di warkurai i utmakai?”

Aposel 22:25 交叉參考

Matiu 10:17

Mot in tumarong mot, uni a taro det in pitar mot ulaman a kum tene warkurai, ma det in miras mot una nundet a kum rumu na lotu.

Matiu 27:54

A mugumugu anun a kum tene inaim, ma det kai ra kura tomo nami ra det tamtamabat o Iesu, det taramo a guri, ma det tama a kum utna ra i wanpat, ra det ngara doko. Det watungi lena, “I lingmulus ut, a musano ri a Nutun o God.”

Matiu 8:8

A mugumugu ra i balu i lena, “Labino, ka tokodos sur un ruk una nung a rumu. Un watung tu wasiso kut, ra anung a tultul in langolango.

Aposel 10:1

Tong o Sisaria, ara musano i kis, a risano o Konelias, i ara mugumugu anun ara mar na taro na inaim, det tagun a taro na inaim tagitong o Itali.

Aposel 16:37

Ikut o Pol i watungi torom a ru polis lena, “Det miras mir umatan a taro, ma det uruk tar mir una karabus, ikut katutaio utmakai i warkurai tar mir. Mir aru te Rom ut mir. Ra uniri det nem na palos eno ru mir. Ikut awu! I wakak sur det ut det in nan urin ma det in palos ru mir.”

Aposel 22:26

Ra a mugumugu anun a taro na inaim i longoro i, i wan torom anun a mugumugu, ra i watungi tano lena, “Asau ra u nem na pami? A musano ri a te Rom.”

Aposel 23:17

Numur o Pol i kabo pas ara mugumugu anun a kum tene inaim, ma i watungi tano lena, “Un ben a barman ri torom anumot a labino mugumugu, uni i nem na inanosi nam ara wasiso.”

Aposel 23:27

A musano ri, ra a tulu ru i torom ui, a kum taro Juda det pam ukai pasi, ma milau det in um doko i. Ikut met nama kum tene inaim, met wanpat, ma met ulaun pasi, uni a sa tasman tari lena i a te Rom.

Aposel 25:16

A inanos det lena, ‘Awu sur a ngasino anun a taro Rom, sur din pitar tar tu musano sur din warkurai i sur in mat, ra kabaut i tur tomo nam det ra det takuni, sur in wasiso bati ut gusun a kum etakun.’

Aposel 27:1

Ra di sa warkurai tari sur met in kas una sip utong o Itali, di pitar tar o Pol, ma a ramano kum karabus kai, tan ara mugumugu a risano o Julias, ara tagun a taro na inaim anun a Sisa.

Aposel 27:3

Una bung numur, met sot pas tiro o Saidon. O Julias i maris o Pol, ra i mulaot ru i sur in nan pas torom a kum paspasano, sur det in tabori nama sau ra i sibo suri.

Aposel 27:43

Ikut o Julias, a mugumugu anun a kum tene inaim i nemi sur in ulaun o Pol, ra i turbat det. Ra i pitar a warkurai sur det ra det tasman a was, det in sirok losop, ma det in was mugu unago una usalin.