Aposel 16:15 - Nupela Testamen long tokples Kandas
15 Ra di sa baptaiso tar o Lidia ma det kai ra det kis una nun a rumu, i ben pas met, ra i watungi lena, “Ra mot nuki lena a nurnur una Labino, mot in ruk una nung a rumu, ma mot in kis uni.” Ra i ungongos pas met.
Osi ra in gas pas a poropet uni i tasmani lena, i a poropet, in losi utkai a ngas na ikul elar nama poropet in losi. Ma osi ra in gas pas a tene tokodos, uni i tasmani lena, i a tene tokodos, in losi utkai a ngas na ikul elar nama tene tokodos in losi.
A labino i watungi tan a tultul lena, ‘Un nan sur a kum tartarai na kisapi ma a kum natnat na kisapi sa ubual, ma un ungongos pas a taro sur det in ruk, sur anung a rumu in bukus wakak.
Una bung na mirum ut ra, a tene tamtamabat i ben pas der, ma i gos a kum kinano lokono kadas ra kura una pininder. Ra uniutra di baptaiso a tene tamtamabat, ma det rop ra det kis una nun a rumu.
O Krispus, ara mugumugu tagun a rumu na lotu, ma det rop kai, ra det kis una nun a rumu, det nurnur una Labino. Ma a susut na taro Korin, ra det longoro a warawai anun o Pol, det nurnur, ma di baptaiso det.
Ikut uniri, a kum musano ma a wardain det nurnur una Wakak na Wasiso ra o Pilip i warawai nami, una matanitu anun o God, ma una risan o Iesu Karisito, ma di baptaiso det.
O Gaius i pitar anun a marmaris torom mot. A musano ri i gas pas iau, tomo nama taro na lotu rop, ma i papos anun a rumu torom met. Ma o Erastus a tene tamtamabat a mani tagun a tamon ri, ma o Kwatus a tisindat, der kai der pitar anunder a marmaris.
A sa watung tar a kum longlong na wasiso ri, uni ka mot nuki lena iau a aposel mulus. I lingmulus ut, iau a musano oros kut, ikut i tokodos sur mot in tama lele iau lena iau a aposel mulus, uni ka natino tandet ra mot watung det a kum lamlabino aposel.
A marmaris anun o Karisito i ukatutur met, sur met in papam toromi. Uni met tasman mulusi lena, o Karisito i mat sur dat rop. Ra lenra, dat rop dat mat tomo nami.
Iau o Pol, a aposel anun o Karisito Iesu una nemnem anun o God. A tumus a pas ri torom mot a taro anun o God ra mot kis tiro o Epeses, mot a kum lingmulus na tene nurnur un o Karisito Iesu.
I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.
O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.
