Aposel 15:5 - Nupela Testamen long tokples Kandas

⁵ A ramano kum Parisi ra det nurnur un o Iesu, det katutur ra det watungi lena, “I tokodos ut sur din tok talilis a pinin a taro ra awu sur a taro Juda ra det nukpukus. Ma din ususer det, sur det in mur a Warkurai anun o Moses.”

Aposel 15:5 交叉參考

Matiu 3:7

O Jon i tama a susut na Parisi tomo nama kum Sadusi det wan sur in baptaiso det, ra i watungi tandet lena, “Ai, mot a kum nutnutun a kum sui! Osi ra i inanos mot sur mot in kalabor eno gusun a warkurai na minabalu anun o God, ra in nanpat? Iau awu.

Aposel 15:1

A ramano taro tagisapat una papor Judia det wan utong o Antiok, ma det ususer det ra det tar tistisino una nurnur lena, “Ra ka din tok talilis a pinimot elar nama Warkurai anun o Moses, ka din ulaun mot.”

Aposel 15:24

Met sa longoro tari lena ara taro tagun met, det ulokolokor mot ra det watungi lena mot in mur a kum Warkurai rop anun o Moses, ma det utalara a nuknuki mot nami. Awu sur met ra met tulu det.

Aposel 21:20

Ra det longoro i, det watung ulabo pas o God. Ra numur det watungi tan o Pol lena, “Tisimet, u tasmani lena a susut na arip tandat a taro Juda, det sa nurnur, ra det rop det dekdek sur det in mur a Warkurai anun o Moses.

Aposel 24:14

“Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet.

Aposel 24:5

“Met tama i lena a musano ri a tene pam purpuruon, i ser turpas a kum purpuruon epotor torom a taro Juda una rakrakon bual rop. Ma i a mugumugu tagun ara torotoro na lotu di watungi nama lotu Nasaret.

Aposel 28:22

Met nemi sur met in longoro a nuknukim, uni met sa tasmani lena, una kum tamon rop di watung laulau a matok na lotu ri.”

Aposel 5:17

A mugumugu na tene etabor torom o God, ma a kum paspasano tagun a kum Sadusi, a nuknukin det i laulau nama kum aposel, uni det tama a taro det mur a kum aposel.

1 Korin 7:18

Ra o God i sa kabo pas taio ra di sa tok talilis tar a pinino, madek ru i, in lenra. Ma ra o God i sa kabo pas taio ra ka di tok talilis a pinino, gong mo di tok talilisi.

Galesia 2:11

Ra o Pita i wanpat tong o Antiok, a woso matano lena, i sa raro, uni a utna ra i pami ke tokodos.

Galesia 2:14

Ra a tama i lena, a utna ri, det pami ke elar nama lingmulus ina Wakak na Wasiso, a watungi torom o Pita umatandet rop lena, “Pita, ui a te Juda, ikut u laun elar nama taro ra awu sur a taro Juda. Asau a kibino ra u ungongos pas a taro gisen sur det in mur a kum petutna anun a taro Juda?