Aposel 13:13 - Nupela Testamen long tokples Kandas

¹³ O Pol ma aru musano ra der wan tomo nami, detul kas una sip tagitiro o Papos, ra detul wan utong o Perga, una papor Pampilia. O Jon i wan pas gusun der tiro iai, ra i milet melet usapat o Jerusalem.

Aposel 13:13 交叉參考

Aposel 12:12

Ra i sa tasman lele i lena i sa langolango, i wan sur a rumu anun o Maria, o nan o Jon, ra ara risano kai o Mak. A susut na taro det kis tomo tiro iai, ra det wararing.

Aposel 15:36

A ramano kum bung numur, o Pol i watungi tan o Banabas lena, “Dar in milet melet sur a kum tamon rop, ra dar sa warawai taru uni torom det nama wasiso anun a Labino, sur dar in tama a kum tistisin dar, ra det pepetlai mo.”

Aposel 15:38

Ikut o Pol i nuki lena, ke wakak sur der in ben melet pasi, uni i wan pas kut gusun der utong o Pampilia, ma ke mur der tuk ra a pinapam i rop.

Aposel 2:10

Pirigia ma o Pampilia, ma tagitong o Ijip. Dat tagitong una papor Libia ra i milau o Sairini, ma tagitong o Rom.

Aposel 27:13

A wakak na du wuwu tagun a papor tobar i wanpat, ra det nuki lena a inawan anundet in wakak kut. Det dat pas a ega, ra det rarot nanan murmur a usalin una ailan Krit.

Aposel 27:5

Numur, met wan kutus sa utasi pi tan aru papor Silisia ma o Pampilia, ra met sot tong o Maira, una papor Lisia.

Kolosi 4:10

O Aristakus, ra i kis tomo nam iau una karabus, i pitar anun a marmaris torom mot, der nam o Mak a malin o Banabas. Ra o Mak in nanpat torom mot, mot in gas pasi, elar nama wasiso ra mot sa rakon mugu tari.

2 Timoti 4:11

O Luk mukut kuri nisang. Un ben pas o Mak ra mur in nan urin, uni in warut iau una nung a pinapam.