Aposel 10:2 - Nupela Testamen long tokples Kandas

² O Konelias ma det rop ra det kis una nun a rumu det a kum tene lotu mulus ma det ser urur torom o God. O Konelias i a tene etabor, i ser tabor a kum sibo na taro, ma a kum bung rop i ser wararing torom o God.

Aposel 10:2 交叉參考

Matiu 25:17

Lenkutkai ra torom o naro ra di pitar tar aru arip na mani tano, i ulabo melet pas aru arip taguni.

Luk 18:1

O Iesu i watung a wasiso elelar torom anun a kum nat na ususer sur in ese det lena, det in wararing bolbolos, ma gong a pinindet i ngoro.

Luk 2:25

Ara musano i kis sapat o Jerusalem a risano o Simion, a tene tokodos ma a tene urur kai torom o God. I ser kis langlang sur o God in ulaun a taro Israel, ma a Tokodos na Nion i kis uni.

Aposel 10:22

Detul balu i lena, “O Konelias, a mugumugu anun ara mar na taro na inaim i tulu ru metul. O Konelias i ara tene tokodos ma a tene urur un o God, ma a taro Juda rop det ru i. A ensel anun o God i inanos tari lena, in itula pas ui utong una nun a rumu, sur in longoro anum tu wasiso.”

Aposel 10:31

ra i watungi lena, ‘Konelias, o God i sa longoro tar anum a niaring, ma i sa tasman anum a kum etabor torom a kum sibo na taro.

Aposel 10:35

I gas pas a taro tagun a kum kamkabo taro rop, ra det ru i ma det pam a tokodos na petutna.

Aposel 10:4

Ra o Konelias i tamtama dekdek toromi nama labino nginara, ra i tingi lena, “Labino, asau ra?” Ra a ensel i balu i lena, “Anum a kum niaring ma a kum etabor torom a kum sibo na taro, det wan usapat torom o God, elar nama etabor ra i ugasgasi.

Aposel 10:7

Ra a ensel, ra i wasiso toromi i sa wan, o Konelias i kabo pas aru tagun anun a kum tultul, ma ara tene lotu mulus tagun anun a taro na inaim.

Aposel 11:14

In inanos ui un lako kum wasiso ra in ulaun ui tomo nam det rop ra det kis una num a rumu.’

Aposel 13:16

O Pol i katutur, ra i turbat det nama lamano sur det in kis wowowon, ra i watungi lena, “Mot a taro Israel, ma mot a taro gisen kai ra mot lotu torom o God, mot in longoro iau.

Aposel 13:26

“A kum tistising, a kabotaro anun o Abaram, ma mot a taro gisen kai ra mot lotu torom o God, di sa pitar tar a wasiso torom dat lena o God i sa ulaun pas a taro.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 18:8

O Krispus, ara mugumugu tagun a rumu na lotu, ma det rop kai, ra det kis una nun a rumu, det nurnur una Labino. Ma a susut na taro Korin, ra det longoro a warawai anun o Pol, det nurnur, ma di baptaiso det.

Aposel 2:5

Una kum bung ra, a susut na te Juda kai det kis tiro o Jerusalem. Det a kum tene lotu, tagun a kum tamon rop una rakrakon bual.

Aposel 22:12

“Ara musano, a risano o Ananias, i ara lingmulus na tene lotu ra i ser mur a kum Warkurai anun o Moses, ma a taro Juda rop ra det kis tiro iai, det ser ru i. I wanpat torom iau,

Aposel 8:2

A kum tene lotu mulus det por tar o Stiwen, ma det domosi.

Aposel 9:11

Ra a Labino i watungi tano lena, “Un katutur, ma un nan sur a rumu anun o Judas, una kisapi di watungi nama Tokodos na Kisapi, ma un iting sur o Sol, a te Tasus, kurong i wararing.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

Aposel 9:36

Ara ino tagun a taro na ususer i kis tong o Jopa, a risano o Tabita, ma una wasiso Grik di watungi nam o Dokas. A ino ri, i ser pam a susut na wakak na pinapam, ma i ser tabor a sibo na taro.

Kolosi 4:2

Mot in dekdek nama niaring. Ra mot wararing, a nuknuki mot in talapor, ma mot in watung wakak torom o God.

1 Tesalonaika 5:17

Gong mot mana nama niaring.

Jems 1:5

Ra taio tagun mot i sibo sur a mananos, in saring o God suri. Ra o God in tabori nami, uni i ser tabor dat rop, ma ke ser bitan tu utna. Ma ke ser kankan torom taio ra i sasaring.

Tamtama 15:4

Labino, osi ra ken ngara sur ui? Ma osi ra ken watung ulabo pas a risam? Uni ui kut u tasur. A taro tagun a kum gapman rop det in nanpat, ma det in lotu torom ui, uni anum a kum tokodos na pinapam i talapor rop torom a taro.”