2 Timoti 3:11 - Nupela Testamen long tokples Kandas

¹¹ anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

2 Timoti 3:11 交叉參考

Aposel 13:14

O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Aposel 13:45

Ra a kum te Juda det tama a kunur na taro, a nuknukin det i laulau torom o Pol ma o Banabas, ma det mang sakosako a kum wasiso ra o Pol i wasiso nami.

Aposel 14:8

Tong o Listra, ara musano kura i kis taru, aru kikino der mat. Di usus pasi ut nami, ma ke pet lar pasi sur in nan.

Aposel 20:19

A taro Juda det wasiso tomo sur det in pam a kum sakino petutna un iau, ma a taramo a mamaut uni. Ikut, a papam ut torom a Labino, ma a unatino pas iau, ma a lurlur na matang i puku.

Aposel 23:10

Ra i sa labo a wasiso na engaras, ma det sa turpas a inaim, a labino mugumugu anun a kum tene inaim i ngara, sako det in dat ngagos tar o Pol. Ra i tulu ru a taro na inaim, sur det in nan ma det in dat pasi gusun a taro, ma det in ben pasi utiro una rumu anun a taro na inaim.

Aposel 26:17

Ma an ulaun ui gusun a kabotaro anum, ma gusun a taro kai ra awu sur a taro Juda, ra an tulu ui torom det.

Aposel 26:22

Ikut, tuk uniri, o God i warut iau, ra a tur nin umatam ra a wasiso talapor torom a taro oros kut, ma a kum lamlabino kai. Ka watung tu matok na utna, a wasiso kut una utna ra o Moses ma a kum poropet det sa watung tari ra in nanpat.

Aposel 9:16

Ma an inanosi lena, in taramo a susut na mamaut una risang.”

A Pas anun o Pol torom a taro Rom 15:31

Mot in saring o God sur in ulaun iau gusun a taro ra ka det nurnur, ra kurong det una papor Judia. Ma mot in wararing kai sur a taro anun o God sapat o Jerusalem det in gas pas anung a pinapam na etabor torom det.

2 Korin 1:5

Met taramo a kum lamlabino ngunungut ra o Karisito i sa taramo tari, ma lenkutkai ra met taramo a labino umumarom anun o Karisito una numet a nilaun.

2 Korin 1:7

Met nurnur mulus un mot lena, mot in tur dekdek ut, uni met tasmani lena, mot taramo a ngunungut tomo nam met. Lenkutkai ra, mot in taramo a umumarom anun o God tomo nam met.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

2 Timoti 4:7

A sa pam sot pas anung a wakak na inaim ma anung a kinalabor una ililu, ma a sa mur sot pas a lingmulus na nurnur.

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.