7 Una kum utna rop, mot ser pam soti taun a taro rop: Anumot a nurnur, ma anumot a warawai, anumot a mananos, anumot a dekdek, ma anumot a labino marmaris torom met. Ra i wakak sur mot in pam sot pasi kai a pinapam na etabor ri.
“O naro ra di pitar tar aru arip na mani tano i wan toromi, ma i watungi lena, ‘Labino u pitar tar aru arip na mani tang. Tama i, a sa ulabo melet pas aru arip taguni.’
Uni ara Nion kut i baptaiso dat rop, sur dat ara pinin o Karisito mukut, dat a taro Juda, ma dat ra awu sur a taro Juda, dat a kum tene ititula ma dat ra ka dat tene ititula. Ma o God i pitar ara Nion kut torom dat rop sur dat in inum taguni.
Ra an utur ukai a etabor sur an wasiso na poropet, ma ra an tasman a kum utna na pidik rop ma a kum mananos rop, ma ra an utur ukai a nurnur sur an ukarai a kum tangai nami, ikut ra ka lason una marmaris, iau a utna oros kut.
Lenkutkai ra torom mot. Mot ser dekdek sur a kum etabor anun a Tokodos na Nion. I wakak sur mot in dekdek sur a kum etabor ra in udekdek a taro na lotu rop.
Osi ra i watungi lena, ui u wakak taun tu pasandet? Asau anumi ra o God ke pitar tari tam? Ra o God i sa pitar tar a kum utna tam, ilai ra u warango pas ui nami?
Ma awu sur a inawan pat kut anun o Taitus ra i umarom met, met gas kai ra met longoro i lena, mot udekdeki. I inanos met lena, mot nem doko i sur mot in tama iau, ma mot tupunuk, ma mot nuknuk doko sur iau. A wasiso ri, i ugasgas doko iau.
O God i pet lar pasi sur in tabor mot nama kum utna rop ra mot sibo suri, ma in tabor mot nama utna ra i susut taun a utna ra mot sibo suri. Ma una kum bung rop, mot in utur ukai a kum utna kai, sur mot in pam a kum wakak na pinapam nami.
Ma gong tu laulau na wasiso i pirso gusun a wamot. Mot in watungi kut a wasiso ra i wakak sur in udekdek a taro ma in warut det una utna ra det sibo suri, sur anumot a wasiso in pam a wakakino torom det ra det longoro mot.
Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.
A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.
Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem,
Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.
I wakak ra mot in lubung una marmaris anun o Iesu Karisito anundat a Labino ma a Tene Ulaun, ma mot in lubung kai una numot a mananos uni. Anunu ut a minamar, uniri ma ken rop! Amen.
Uni mot watungi lena, ‘Lingmulus, iau a tene gongon. A ubek tomo a susut na ululeng ma ka sibo sur tu utna.’ Ikut ka mot tama lele i lena, anumot a kinkinis ke wakak, mot pot na marmaris, mot sibo, mot pulu ma mot mengere.
