2 Korin 4:10 - Nupela Testamen long tokples Kandas

^10-11 Ra met laun a minat i milau kut, uni met papam torom o Iesu. Una kum bung rop, met ese a minat anun o Iesu una pinimet, sur a taro det in tama i kai, a nilaun anun o Iesu un met.

2 Korin 4:10 交叉參考

A Wakak na Wasiso un o Iesu Karisito o Jon i tumusi 14:19

“Ken suano i kut, ra a taro tagun a rakrakon bual ka det in tama melet iau mo. Ikut mot, mot in tama iau. Ma mot in laun, uni a laun.

A Pas anun o Pol torom a taro Rom 6:5

Ra dat mat tomo nam o Iesu una nun a minat, i lingmulus dat in katutur tomo nami kai una nun a katkatutur melet gusun a minat.

A Pas anun o Pol torom a taro Rom 6:8

Ra dat mat tomo nam o Karisito, dat nurnur lena dat in laun utkai tomo nami.

A Pas anun o Pol torom a taro Rom 8:36

Elar nami ra di sa tumus tari una Buk Tabu, “A kum bung rop a taro det nem na um doko met, uni met anum a taro. Met elar nama kum sipsip ra di waninar sur din um doko det.” Sng 44:22

2 Korin 1:5

Met taramo a kum lamlabino ngunungut ra o Karisito i sa taramo tari, ma lenkutkai ra met taramo a labino umumarom anun o Karisito una numet a nilaun.

2 Korin 1:9

Met nuki lena met in mat mo. A utna ri i wanpat, sur gong met nurnur una dekdeki met ut, met in nurnur kut un o God, i ra i ser ukatutur pas a kum minat.

2 Korin 13:4

I lingmulus, ra di sak wat o Karisito unin nanai kutus, katu dekdekino. Ikut una dekdekin o God, i laun melet. Lenkutkai ra kalako dekdeki met tomo nam o Karisito, ikut met laun tomo nami nama dekdekin o God, sur met in papam torom mot.

Galesia 6:17

Turpasi uniri, gong taio in utikidis iau, uni a kum burlain una pining det ukinalongi lena iau anun o Iesu.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

2 Timoti 2:11

A wasiso ri an watungi tam, i lingmulus sakit: Ra dat in mat tomo nam o Karisito Iesu, dat in laun tomo kai nami.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

1 Pita 4:14

Ra di watung laulau mot uni mot tagun o Karisito, mot dan. Uni a Nion o God, a Nion na minamar, i kis tomo nam mot.

Tamtama 1:17

Ra a tama i, a puku pirso taru nisan a aru kikino elar nama minat. Numur i ubek tar a sot na lamano sapat netes un iau, ra i watungi lena, “Gong u ngara, iau a mugano ma a ururopino.