1 Pita 5:12 - Nupela Testamen long tokples Kandas

¹² O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

1 Pita 5:12 交叉參考

A Wakak na Wasiso un o Iesu Karisito o Jon i tumusi 21:21

O Pita i tama i, ra i ting o Iesu uni lena, “Labino, pepetlai un o naro ri?”

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 20:24

Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

A Pas anun o Pol torom a taro Rom 5:2

Ra dat nurnur un o Karisito, i mugu dat ma i uruk dat una marmaris anun o God. Ra uniri, dat sa laun uni. Ma dat gas, ra dat kis langlang nama nurnur sur a minamar anun o God, ra kura numur dat in kis uni.

1 Korin 15:1

A kum tistising, a nemi sur an inanos melet mot una Wakak na Wasiso, ra numugu a sa warawai taru nami torom mot, ma mot sa los pasi, ma mot sa tur dekdek uni.

2 Korin 1:19

Iau ma o Sailas ma o Timoti, metul warawai torom mot un o Iesu Karisito, a Nutun o God. O Karisito ke ser mulaot ma numur in ipul. Awu. In pam sot pasi ut anun a wasiso.

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

Epeses 3:3

Ma o God i utalapor iau una utna ra numugu i kis eno. Ma una pas ri a sa tumtumus lilik pas uni.

Epeses 6:21

O Tikikus, a wakak na tisindat ma a lingmulus na tene pinapam anun a Labino, in inanos mot una kum utna rop, sur mot in tasman asau ra a pami.

Kolosi 1:7

O Epapras i sa ususer tar mot uni. I a wakak na tultul, ra i papam tomo nam met, ra met nem doko i, ma i a lingmulus na tene pinapam anun o Karisito, ra i tur ukinalong met.

Kolosi 4:7

O Tikikus in inanos mot una kum utna rop un iau. I a wakak na tisindat, a lingmulus na tene pinapam ma a tultul tomo nam met una pinapam anun a Labino.

Kolosi 4:9

In nan tomo nam o Onesimus, a wakak na tisindat ra i lingmulus una nun a pinapam, i ara ut tagun mot. Der in inanos mot una kum utna rop ra i wanpat nin.

1 Tesalonaika 1:1

Iau o Pol, o Sailas, ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito. A marmaris ma a malmal torom mot.

2 Tesalonaika 1:1

Iau o Pol, o Sailas ma o Timoti, metul tumtumus torom mot a taro na lotu tong o Tesalonaika, mot ra mot laun un o God a Tamandat ma a Labino o Iesu Karisito.

Ibru 13:22

A kum tistising, a saring pas mot sur mot in longoro wakak a wasiso na warut ri, uni a pas ri a tumusi torom mot awu sur i walos.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

1 Pita 4:10

O God i sa pitar tar a kum etabor torom mot taktakai tagun anun a kum wur ngas na etabor. Ra in wakak sur mot in papam wakak nami, sur mot in warut etetalai mot.

2 Pita 1:12

Mot sa tasman a kum utna ri, ma mot sa tur dekdek una lingmulus na etowo ra mot sa los pasi, ikut i wakak ra an unuk tar mot melet nami.

2 Pita 2:15

Det sa wan gusun a tokodos na kisapi, ra det sa raro. Det sa mur a kisapi anun o Balam a nutun o Beor, ra i pam a sakino, uni i nem doko a mani.

3 Jon 1:12

A taro rop det watungi un o Dimitrius lena, i ara wakak na musano. A magirano ra i mur a lingmulusino i ese i kai lena i ara wakak na musano. Met kai met wasiso talapor uni, ma u tasmani lena, anumet a kum wasiso i lingmulus.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.