1 Pita 1:3 - Nupela Testamen long tokples Kandas

³ Dat in watung ulabo pas o God, a Taman anundat a Labino o Iesu Karisito. Una nun a labino marmaris, i sa usus matok tar dat. I mo ra uniri, dat kis langlang nama nurnur sur a nilaun tukum, uni o Iesu Karisito i katutur melet gusun a minat,

1 Pita 1:3 交叉參考

A Wakak na Wasiso un o Iesu Karisito o Jon i tumusi 1:13

Awu sur di watung det a kum nutnutun o God kibino una usus na kabotaro, o una nuknukin tu musano taginin upiso, o una nemnem tagun a nolin, awu. Di usus det una nion, una nemnem ut anun o God.

A Pas anun o Pol torom a taro Rom 12:12

Mot in kis langlang nama gasgas sur a kum utna ra numur a Labino in tabor mot nami. Ra mot etorom a kum mamaut, mot in tur dekdek, ma gong mot mana nama niaring.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Pas anun o Pol torom a taro Rom 4:25

O God i pitar ru o Iesu, sur in mat una nundat a kum sakino petutna, ma i ukatutur melet pasi gusun a minat, sur dat in tokodos umatan o God.

A Pas anun o Pol torom a taro Rom 5:10

Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.

A Pas anun o Pol torom a taro Rom 8:11

A Nion o God, ra i ukatutur pas o Iesu gusun a minat, i laun un mot. Una pinapam anun a Niono ra i laun un mot, i ra i ukatutur pas o Karisito gusun a minat, in pitar a nilaun una pinimot, ra i ser mat.

A Pas anun o Pol torom a taro Rom 8:24

O God i sa ulaun pas dat, ma uniri dat kis langlang nama nurnur sur a ngas na nilaun ra in pitari torom dat numur. Ra taio in kis langlang sur tu utna, ikut ra i sa los pasi, ken kis langlang melet mo suri. Osi melet mo in kis langlang sur tu utna ra i sa los pasi?

1 Korin 13:13

A tulu utna ri detul kis tukum: a nurnur, a kinkinis langlang nama nurnur sur asau ra o God in pami, ma a marmaris. Ikut a marmaris i labo sakit tandetul.

1 Korin 15:20

Ikut i lingmulus, o God i sa ukatutur melet o Karisito gusun a minat. I a mugano musano ra i katutur melet gusun a minat, ma i ese i lena numur a kum minat kai det in katutur melet.

2 Korin 1:3

Dat in watung ulabo pas o God a Taman anundat a Labino o Iesu Karisito, ma a Tamandat kai, ra a tene marmaris, ra i ser umarom dat una kum utna rop.

Galesia 6:16

A malmal ma a marmaris torom a taro rop ra det mur anung a etowo ri, det a taro Israel mulus anun o God.

Epeses 1:17

A ser wararing lena a God anun anundat a Labino o Iesu Karisito, a Tamandat ra i bukus nama minamar, in tabor mot nama mananos tan a Tokodos na Nion, ma in papos a nuknuki mot, sur mot in tasman wakak o God.

Epeses 1:3

Dat in watung ulabo pas o God, a Taman anundat a Labino o Iesu Karisito. I udan dat nama kum utna na nion rop tagisapat una langit, ra dat tagun o Karisito.

Epeses 1:7

O Karisito i mat, ra a gapino i kul langolango pas dat, ma o God i unus ru anundat a kum sakino petutna. A marmaris ra, anun o God i labo sakit,

Epeses 2:4

Ikut, o God i bukus nama marmaris! I ulaun pas dat uni i maris doko dat.

Epeses 3:20

Dat in rakon lekeleke pas o God, o naro ra i dekdek, ma i pet lari sur in pam a utna ra i labo sakit taun a kum utna rop ra dat sasaring suri, ma dat nuki. Ma i papam nama dekdekino una nundat a nilaun.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

1 Tesalonaika 1:3

Ra metul ser wararing torom anundat a God a Tamandat, metul nuk pas anumot a kum pinapam ra anumot a nurnur i pam pati, ma metul nuk pas a kum dekdek na pinapam ra anumot a marmaris i pam pati, ma metul nuk pasi kai, anumot a tuntunur dekdek, ra anumot a kinkinis langlang nama nurnur una Labino o Iesu Karisito i pam pati.

1 Tesalonaika 4:13

A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

1 Timoti 1:14

Anundat a Labino i ese anun a labino marmaris torom iau, ra i pitar tar a nurnur ma a wakak na petutna torom iau. A etabor ri, i kibino un o Karisito Iesu.

Taitus 2:13

ra dat kis langlang nama nurnur sur a bung na gasgas ra in nanpat. A bung ra anundat a Labino o God, o Iesu Karisito, a Tene Ulaun anundat in nanpat nama nun a minamar.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

1 Pita 1:13

I mo ra, mot in waninar a nuknuki mot sur a pinapam ra mot in pami, mot in tamtamabat wakak anumot a nilaun, ma mot in kis langlang nama nurnur mulus sur a utna ra o God in tabor mot nami, ra o Iesu Karisito in nanpat puaso.

1 Pita 1:21

Ma mot nurnur un o God i kibino ut un o Karisito. Ra o God ut i ukatutur melet pas o Karisito gusun a minat, ra i pitar tar a minamar toromi. I mo ra, mot nurnur un o God ma mot kis langlang nama nurnur sur a utna ra in pami numur.

1 Pita 1:23

Uni anumot a matok na nilaun ke kibino un taio taginin upiso, uni taio taginin upiso in rop kut. Di usus matok mot nama utna ra ken rop. Ma a utna ra, a wasiso anun o God, ra i laun ma in tur tukum.

1 Pita 2:2

Mot in nem doko a utna na nion ra katu dur uni, sur mot in lubung nami, tuk ra mot in dekdek una matok na nilaun. Mot in nem doko a utna na nion, elar nama kum nat miso det nem doko a polono sus.

1 Pita 3:15

Ikut mot in utur ukai o Karisito sur in nanpat a Labino una nilaun anumot. A kum bung rop, mot in kis na waninar sur mot in balu taio ra in ting mot lena, asau a kibino ra mot kis langlang nama nurnur. Ikut, ra mot balu i, mot in balu i nama wowowon na petutna ma a urur.

1 Pita 3:21

In nolomom i tur ukinalong a baptais ra i ulaun mot uniri. Ka di baptaiso mot sur din rus ru a dur tagun a pinimot, awu. A baptais i elar nami ra mot pitar tar mot torom o God ma mot tasmani lena mot tokodos umatan o God. Ra i ulaun mot kibino una katutur melet anun o Iesu Karisito gusun a minat.

1 Pita 3:5

A kum wardain tagun numugu, ra det tokodos ma det nurnur un o God, det ser emar lenri. Det ser unatino pas det torom anundet a kum musano,

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

1 Jon 3:3

Osi ra i kis langlang nama nurnur sur o Karisito, in waninar anun a nilaun ma in utalapori elar nam o Karisito ra i talapor.

1 Jon 3:9

Det rop ra a kum nutnutun o God, ka det ser pami mo a kum sakino petutna, uni a nilaun anun o God i kis un det. Ka det in ser pam a sakino petutna, uni det a kum nutnutun o God.

1 Jon 4:7

A kum wakak na paspasang, dat in nem etetalai dat, uni a marmaris i wan tagisapat tan o God. Det rop ra det tastasman a marmaris, det a kum nutnutun o God, ma det tasman o God.

1 Jon 5:1

Det rop ra det nurnur un o Iesu lena i a Karisito, det a kum nutnutun o God. Ma det rop ra det nem o Tamano, det nemi utkai a kum nutnutunu.

1 Jon 5:18

Dat tasmani lena det rop ra a kum nutnutun o God, ka det ser pam meleti mo a kum sakino petutna. Uni a Nutun o God i tamtamabat det ut, ra o Satan ke pet lar pasi sur in ban laulau det.

1 Jon 5:4

Uni det ra a kum nutnutun o God, det sa winim pas a rakrakon bual. A dekdek ra dat winim pas a rakrakon bual nami i lenri: anundat a nurnur.