1 Korin 6:3 - Nupela Testamen long tokples Kandas

³ Pepetlai, ka mot tasmani lena numur dat in warkurai a kum ensel? Ra in lenra, dat in pet lar pasi ut sur dat in warkurai a kum utna tagun a nilaun uniri.

1 Korin 6:3 交叉參考

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Luk 21:34

“Mot in tumarong mot, sako mot in balon nama pam lukaro ma a ininum, ma a nginara sur a kum utna una nilaun nin upiso, ma a bung ra in nanpat kisin torom mot elar namin nukun.

Luk 8:14

A kum pitino ra det puku epotor una kum kuikui, det elar nama taro ra det longoro a wasiso, ikut a labino nuknuk una kinkinis anundet, a kum ululeng, ma a gasgas tagun a nilaun nin upiso, det rau bat a wasiso anun o God, ra ka det wu lako windet.

A Pas anun o Pol torom a taro Rom 6:16

Pepetlai, ka mot tasmani lena, ra mot pitar tar mot torom taio sur mot in longoro i, mot a kum tene ititula anunu? Ra mot a kum tene ititula anun a sakino petutna, in pitar a minat torom mot. Ikut, ra mot a kum tene ititula anun o God ma mot ser longoro i, mot tokodos umatano.

1 Korin 6:15

Pepetlai, ka mot tasmani lena, a pinimot, a kum du pinin o Karisito ut? Pepetlai, an upitapo pas lako kum du pinin o Karisito tomo nama pamuk na ino sur der in takai mukut? Awu, ken elar mulus!

1 Korin 6:16

Pepetlai, ka mot tasmani lena osi ra i upitapo i nama pamuk na ino, der ara pininder mukut nama pamuk na ino? Elar nami ra a Buk Tabu i watungi lena, “Aru der in takai mukut.” Stat 2:24

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

1 Korin 6:4

Ra anumot lako kum mamaut tagun a nilaun uniri, sur asau ra mot losi torom det ra a taro na lotu ka det ru pas det, sur det in warkurai i?

2 Timoti 2:4

A wakak na tene inaim ken balon una kum pinapam anun a taro oros kut, awu. In pami ut anun a pinapam sur in ugasgas anun a mugumugu.

2 Timoti 4:10

uni o Demas i sa wan pas gusun iau, uni i nem a kum utna tagun a rakrakon bual, ra i sa wan utong o Tesalonaika. O Kresens i wan utong una papor Galesia ma o Taitus i wan utong una papor Dalmatia.

2 Pita 2:4

O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai.

A Pas anun o Jud 1:6

Ma a kum ensel kai, ra ka det gas una kum pinapam ra o God i sa tibo tar det nami, det wan gisen gusun a kinkinis anundet. Ra o God i sa ker ukai tar det nama kum sen, ra in kis tukum. Ma det sa kis una dumirum ra det kis langlang pas a labino bung ra din warkurai det.