1 A kum tistising, numugu ka wasiso lar pas torom mot lenlar a taro ra a Tokodos na Nion i kis un det. A wasiso torom mot elar kut nami ra torom a taro taginin una rakrakon bual, ra mot a kum nat liklik utmakai una kinkinis tomo nam o Karisito.
O Iesu i tupukus torom o Pita ra i watungi tano lena, “Satan, un nan unago numur tang! U ubatbat iau, uni, u muri kut a nuknukin a taro, ma ko mur a nuknukin o God.”
Dat tasmani lena, a kum Warkurai anun o God, a kum utna na nion. Ikut iau a musano kut taginin upiso, ma a sakino petutna i ker tar iau sur an tene ititula anunu.
A kum tistising, gong a nuknuki mot i elar nama kum nat liklik. Una sakino petutna i wakak sur mot in elar nama kum nat miso. Ikut, una nuknuki mot, mot in elar nama kum lamlabino.
Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.
A kum tistising, ra tu tene nurnur i puku una sakino, mot ra a Tokodos na Nion i mugu mot, mot in ukatutur melet pasi nama petutna na urur. Ikut mot in tumarong mot ut, sako mot bulung mot in puku un tu ululam.
