Matthew 9:2 - Sei di Uka Ago Ruaka di Buka Bedakai

² Ye okiyori, amiye be yaku dibo anua amiye madunari ina rofu afei baeyadi. Iesu mina vene di mokena vari gira aena veifategasa mina dibo anua amiye rofu niyo, “Nai mida, mokei itu ga re! Yi vegu no bi koite makuyo.”

Matthew 9:2 交叉參考

Matthew 9:22

Ma Iesu kero resi mina rema vesi niyo, “Nai vefa, mokei itu ga re; yi mokena vari gira aena yaku ya moi buni riyo.” Minari maka buni niyo.

James 2:18

Idu amiye yokoi yaku nigo, “Ya bi mokena vari gira aena nufa, idu na bi vegu buni nufa.” Ye nikabai regida, “Yi mokena vari gira aena vegu buni de nufa na oteima ma na yaku nai mokena vari gira aena vegu buni dudu ya oteimagida.”

Moimai di vegu 19:12

Ye Paul di roaitari muko ma fafau moimai regamo varuka mina maka moisi gauka vene rofu moi bogamadiri mina yaku gauka buni nisi vima no ka feresi yakugamadi.

John 21:5

Mina dada nikaiteyo, “Nai mida mida, oyena be moiyadi ba ide?” Nikabai resi niyadi, “Ide.”

Matthew 8:10

Iesu mina ago neidesi bi tururu resi kaere usi diyadi inasa rofu niyo, “Rama ya nida, Israel ri amiye yokoi di mokena vari gira aena makai de baku reyaka.

Matthew 4:24

Ye ini beika regamo sina bi Syria gagani torari okuyo, ye mina vene ka ini gauka reyadi vene, esika reyadi vene, yuka vana kevo vene, ini roaitari vima no nufa vene, ma ada gauka vene afei baeyadi—ma Iesu yaku moi buni riyo.

Rome vene 5:11

Ma mina maka de, idu uni Varika amiye Iesu Keriso dudu ka Sei rofu ada resifa, kaere ina dudu gua inasa uka yokoi maka niyafa.

Moimai di vegu 14:9

Mironari amesi Paul di ago neidegamo. Paul veyo bi mokena vari gira aesi mokeyo bi buni nigo, dada ina vei kara resi

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

Matthew 9:6

Idu ya vei mama regedi Amiye di mida bi vava nufa konori vegu no koite makugo”—kamini dibo anua amiye rofu niyo, “Dadisi yi maduna vanau moisi yi yavari di!”

Matthew 8:16

Uriyenauri vima no nufa amiye tau gade ina rofu afei baeyadi, ma ina yaku mina vima no ini ago dudu meki resi gauka vene tau ka moi buni riyo.

John 2:25

amiye yokoi yaku amiye rofu nioteimagi bi baku rena de, adina amiye di uka mokena bi sena veifateyo.

Mark 5:34

Ma niyo, “Nai vefa, yi mokena vari gira aena yaku ya moi buni riyo. Uka amuta dudu di ma yi gurauna rofu bi buni niyo.”

Mark 1:32

Uriyenauri meda nei tomu niyori, bi amiye yaku gauka vene tau ma vima no nufa vene tau Iesu rofu afei baeyadi.

Matthew 6:12

Ma uni vegu no koite maku, ma una ka amiye di vegu no una rofu rededi moi erufusifa kana.

Matthew 9:5

Adina goina ago nigida bi rena gira de, ‘Yi vegu no bi koite makuyo,’ o ‘Dadisi nana re’?

Matthew 14:27

Idu minari maka ina vene rofu niyo, “Uka gira nifa; na mini. Ori ga refa!”

Mark 6:50

ina tau vakoi vesi ori reyadi dada. Idu minari maka Iesu ina vene rofu niyo, “Mina bi na; uka gira nisi ori ga refa!”

Mark 10:49

Ye Iesu are resi niyo, “Raka nifa.” Ma ne taufa amiye raka nisi niyadi, “Uka gira nisi are rei gira re! Ina bi ya raka nido.”

Moimai di vegu 23:11

Ari uveyo ma berou urusari, Varika amiye bi Paul adinari are resi niyo, “Uka gira moi! Na dada Jerusalem ri nai sina niokuyo, ye mina reyo kana bi Rome ri ka regiya.”