Matthew 8:2 - Sei di Uka Ago Ruaka di Buka Bedakai

² Idau refera amiye yokoi Iesu rofu bosi efuka meimigasa usa niyo, “Varika amiye, ya ura reisa vonisi, na moi ruaka rigiya.”

Matthew 8:2 交叉參考

Matthew 18:26

Ye mina moimai rei tavoi redo amiye yaku ini budari efuka meimisi usa niyo, ‘Na toro re, yi fore moiyaka bi tau vakoi ya mai dairigida!’

Matthew 15:25

Idu mina rema baesi ini budari nivakesi niyo, “Varika amiye, na aede!”

1 Corinth vene 14:25

Ye ini sui nina mokena bi erau nigo ma ini efuka meimisi Sei di roka moi odoro rigasa nigedi, “Rama iniye Sei bi minari yi fogori amedo!”

Moimai di vegu 10:25

Peter ini yava dui regi reyori, bi Cornelius yaku baku resi nivakegi ini yuka atafuri efuka meimiyo.

John 9:38

Ma niyo, “Varika amiye e, mokena vari gira aeda!” Ye nivakeyo.

Matthew 28:17

Ina veyadiri, bi nivakeyadi, idu be bi mokei itua reyadi.

Luke 4:27

Ma Elisha Sei di ago niyo amiye di ariri, bi refera nufa vene tau tora Israel ri amegamadi, idu yokoi kava moi ruaka de riyo, mina bi Syria amiye, Naaman maka.”

Matthew 26:6

Ma Iesu bi Bethany ri sena refera nufa amiye roka Simon di yavari amegamori,

Matthew 20:20

Kamini Zebedee di mida di nono ini midasa Iesu rofu baeyadi ma ini budari efuka meimisi ini beika ura rededi usa niyo.

Matthew 14:33

Ye kaere kaere boutiri ameyadi yaku ina nivakesi niyadi, “Rama ya bi Sei di mida!”

Matthew 13:58

Ye minari bi mokena vegu tau de regamo, ini adina ini mokena vari gira aena bi de dada.

Matthew 9:18

Mina ago ina rofu nigamori, ourefeidena amiye yokoi baesi efuka meimigasa niyo, “Nai vefa bi gua muyeyo. Ye baesi yi vana ina fafau aegiya ma vegu niyaine.”

Niokuna sina 19:10

Ma nivakegi ini yukari yarei neyaka, idu na rofu niyo, “Makai ga re! Na bi ya ma yi usika ourena, kaere Iesu di niokuna ago moi gira ridedi, yasa naivo amiye yokoi. Sei rofu nivake.” Adina Iesu yaku ini niokuna ago, bi ini Vima dudu Sei di ago nidedi vene rofu mado.

Matthew 28:9

Ma Iesu mina vene baku resi niyo, “Mina bi ya ba?” Ina rofu baesi ini yuka moi gira resi nivakeyadi.

Matthew 10:8

Gauka moi buni risi muyena edadisi refera nufa moi ruaka risi vima no meki rebigedi. Mina de voi resi moiyadi, ye mana rofu ka obini bi ga moifa.

Matthew 4:9

niyo, “Ya na nivakegi efuka meimigiya vonisi, bi mina tau vakoi ya magida.”

Matthew 2:11

Ye yava ideri dui resi mina mida ini nono Mary sa vegasa efuka meimisi nivakeyadi. Resi ini magedi gugura, goro, sisika buni yabo ena roka frankincense, ma sisika buni yabo ena di muramura roka myrrh ini maua gutuna moi yakusi maradi.

Matthew 8:1

Iesu omuna aveta gutuna deyori, amiye tau gade ina usi deyadi.

Matthew 8:25

dada ini usi dina vene ina rofu bosi edadisi niyadi, “Varika amiye, una bi kamini muyegifa. Una moi vegu ri!”

Moimai di vegu 10:14

Idu nikabai resi niyo, “Varika amiye, makai bi de regida! Na bi toga toga ago gira dada kino nufa irina de vibani yokoi irina de mini.”