Matthew 6:10 - Sei di Uka Ago Ruaka di Buka Bedakai

¹⁰ yi ourefeidena amena sana bi deyaine; yi ura bi konori vata niyaine, omari kana.

Matthew 6:10 交叉參考

Hebrew vene 10:36

Ini adina ya are rei gira regedi bi buni, ye Sei beika ura redo, ya mina regasa beika nitore reyo moigedi dada.

John 4:34

Ma niyo, “Nai iruku bi nai Baba, kaere na nifeideyo amiye, di ura resi ini moimai rei vau regida.

Matthew 26:42

Resi dudusa uru remanu etagae risi usa usa niyo, “Nai Baba, mina esika esika di biyo na rofu moi etagae rina bi de vonisi, bi mina biyori irigida, ye yi ura bi vata niyaine.”

Matthew 12:50

Adina kaere nai Baba omari amedo amiye di mokenari rego, bi nai dubuini, nai tobaini ma nai nono.”

1 Thessalonica vene 5:18

beika baika tauri Sei rofu buni tora gade mabifa, adina Iesu Keriso dudu mina bi Sei di ura ya rofu.

Rome vene 12:2

Mina kono di mokena kana mokena ga refa, idu yi mokena moi ruaka risi dudu yi vegu moi idana rifa, ye ebene rena dudu, Sei di ura bi beika diba nigedi—mina bi buni, ada rei mona rena ma rorobo iniye.

John 6:40

Adina nai Baba di ura bi yomini: ini Mida vegasa mokena vari gira aegedi vene tau vakoi bi toga toga ameibobina vegu moigedi, ma na yaku ka ari metonari moi edadigida.”

Colossae vene 1:9

Mina dada, bogo ouresi medari ya dada neideyafa mamo bi ya rofu usa usa nina ferena de regamafa; vabara mokena ma Vima di ada yora tau noibanu dudu, ini ura di diba vata baeyaine, mina usa nigamafa.

Ephesus vene 6:6

Amiye yaku ura regedi kana, ne rofu maka naivo ga refa, idu Keriso di moimai rei tavoi rededi vene kana, ye beika Sei ura redo bi uka meko noibanu dudu reyaganedi.

Matthew 7:21

“Amiye tau kaere na rofu ‘Varika amiye’ vo nidedi, bi Sei di ourefeidena amena sana omari de dui regedi, idu nai Baba kaere bi omari amedo di mokedo vegu rededi vene maka dui regedi.

1 Peter 2:15

Adina Sei yaku ini beika ura redo, bi yi beika buni rededi yaku ada de amiye di ada gira ago moi bere rigedi.

Hebrew vene 13:21

ini ura rena reyaine, beika baika buni tau ya mago. Resi ka moimai ini nemokori bi ini uka moi ada rededi, bi mina uni uka ideri ka rego, Iesu Keriso dudu, kaere bi toga toga vabara maraine! Rama.

Matthew 3:2

“Yi vegu no feresi moi etagae rifa, adina Sei ini vava nufa omari ourefeidena amena sana bi negau niyo!”

Luke 22:42

niyo, “Baba, ya ura reisa vonisi, bi mina esika esika di biyo na rofu moi etagae rigiya. Idu, ya yaku yi beika mokeisa mina resi nai mokena dudu bi ga re.”

John 7:17

Kaere amiye Sei di ura rena kana rego vonisi, bi diba nigo mina ago oteimaida bi Sei rofu dedo, o na kaya nai vava dudu sina nida.

Niokuna sina 19:6

Ye amiye tau gade gade di goroka kana kukuroka neideyaka; ina bi koru abata urufomai degasa ma ofu tora di tu nina di kukuroka kana, ma imuna nisi nigamadi, “Sei di roka moi odoro riyaine! Adina Varika amiye uni Sei yeiva iniye ourefeidedo.

1 Thessalonica vene 4:3

Ye mina bi Sei di ura dudu ya mina akeke niyaganedi: ya bi koa rena di vegu mina egavoi reyaganedi;

Moimai di vegu 21:14

Ini mokena moi idana rigi bi anua reyafa, ye bere nisi niyafa, “Varika amiye bi ini mokena kana reyainedi.”

Moimai di vegu 13:22

Ina moi etagae riyo fufutari bi Sei yaku David moi ini kini riyo. Yomina bi Sei yaku ina nigika niyo kana: ‘Gua David veitao reyaka, kaere bi Jesse di mida, bi nai mokeida amiye kana. Mina kaere bi nai beika mokeida bi rego.’

Matthew 4:17

Ye mirona ituari mamo Iesu ago nirausi regi kora resi niyo, “Yi vegu no feresi moi etagae rifa, Sei di ourefeidena amena sana omari bi atafu okiyo dada.”

Niokuna sina 12:10

Kamini na bi goroka tora oma ideri neideyaka niyo, “Gua uni Sei di moi vegu rina, vava, ourefeidena amena sana ma ini Keriso di vava baeyadi, adina uni usika ourena uni Sei di budari, ari ma urusari di emana amiye bi makuyo.

1 Peter 4:2

Ye gua ini vegu ameibobigori, bi roaita di ura rena dudu de, idu Sei di mokena dudu.

Hebrew vene 10:7

Mina usi na niyaka, ‘Sei, na rofu firo riyo bukari bura reyo kana, na yi beika ura reisa regika baeyaka mini.’ ”

Luke 19:38

Yomakai nigamadi, “Sei buni tora gade mado kini kaere Varika amiye di rokari baedo! Uka amuta ma Sei di vabara oma odoro iniyeri ameyaine!”

Mark 3:35

Adina kaere Sei di mokenari kana rego, bi nai dubuini, nai tobaini, ma nai nono.”

Matthew 16:28

Rama ya nida, ya bedakai minari bi de muyegedi bogo Amiye di mida Sei di ourefeidena amena sana nufa dego mina vegedi mamo.”

Mark 11:10

Sei uni baba buni tora gade mado, kini David di ourefeidena amena sana baedo! Sei oma odoro iniye di roka moi odoro ri!”

Niokuna sina 11:15

Kamini naivo naivo vima 7 ere yaku ini kibi fu reyori, omari goroka tora dudu raka niyadi, “Gua mina kono di ourefeidena amena sana bi uni Varika amiye ma ini Keriso di, ma ina yaku toga toga ourefeidebobigedi!”

Niokuna sina 20:4

Kamini ourefeidena amena fata veyaka; odoro ameyadi vene bi kaere kota rena vava bi maro. Iesu niokuna ma Sei di ago rofu ada nugaradi vene di vima ka veyaka; ina bi kaere tuma dona nadina ma ini vima nivakena de resi ini bera ini nao, o ini vanari de moiyadi. Dudusa moi dadi rae reyo ma Keriso sa lagani 1,000 ourefeidegamadi.

Hebrew vene 1:14

Ye ina bi naivo naivo vima, kaere bi moi vegu rina vegu moigedi vene dada naivo regi moi feideyo.

Colossae vene 1:13

Ina yaku mukuna di vava gabireri una erufusi moi yakusi ini uka mado Mida di ourefeidena amena sana di vava gabireri una afei baeyo.

Luke 19:11

Mina sina neidegamadiri, bi yavoi resi mokena ago niyo, adina ina bi Jerusalem atafu okiyo, ma amiye yaku mokegamadi bi Sei di ourefeidena amena sana bi minari evade maka ogau nigo.

Moimai di vegu 22:14

Kamini ina yaku niyo, ‘Uni tutubena vene di Sei yaku ya auba reyo ina ura redo mina diba nigiya, ini mokena rorobo naivo amiye vesi ini venari gutuna ago neidegiya.